मत्ती 14:9 - जिरेल

⁹ थेकी थोक सिरजीन था यूहन्‍नाला चुक खाला सेत्‍च्‍ये सिन हेरोदला आउदी पीर लासुङ। तर जे नाङ खासीनोङ तेरग्‍यो सिन गोमाका गाङे ङोन्‍दु जमान खाईन ना क्‍याला ओतेकी थेकी यूहन्‍ने गोःचेन तेरा मुथुबो सिन सिरा माथुप्‍सुङ।

मत्ती 14:9 ပူးပေါင်းရင်းမြစ်များ

मत्ती 14:1

थेमे थे बेले नाङपाराङ गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ।

मत्ती 14:10

थोगी थेकी यूहन्‍ने गोः तुप्‍ला खोरच्‍योक सिन मि ताङगीन जेलदु यूहन्‍ने गोः थुप च्‍युत्‍सुङ।

मत्ती 14:5

ईन्‍दानी हेरोदकी थेला सेताङ चाला ओतान। तर मिओनगी यूहन्‍नाला परमेश्‍वर बात खित्‍कान्‍ते सिन माने खाबा ओतेकी थेबे ज्‍यीबेकीङ थेकी थोक खिता थुपा मेतान।

मत्ती 14:8

थोक सिरजीन आमातेकी लाप्‍कीन बिन्‍दाते बात ङेन्‍गीन थे फुमुतेकी हेरोदला “बप्‍तिस्‍मा तेरकान्‍ते यूहन्‍ने गोः तुप्‍ला ङाला देर्माला लुक्‍ला नाङ,” सिन सिदुक।

मर्कूस 6:14

थेमे गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ। च्‍यिला सासीन गाङेपे मिकी येशू बातकामा खिन ओतान। थेबे नाङ कोईकी “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खिन ओतान।

मर्कूस 6:20

च्‍यिला सासीन यूहन्‍ना परमेश्‍वरगी खि साबा साबा च्‍योकराङ खित्‍कान्‍ते लेमु मि ईन सिन हेरोदला छ्या ओतान। थोगी थेला मेलेबा खिता मेङगो सिन ज्‍यीबेकी यूहन्‍नाला सुङगीङ छ्याःङ मेलेबा खिता मुथुप्‍स्‍यीत सिन लेमु खाईन ज्‍याक्‍पा ओतान। बेला बेलाला यूहन्‍ने बात ङेन्‍जीन हेरोदला लेमु लाबा ओतान। थे खोरोङगी खाबाते मेलेबाते काम सम्‍झे खित्‍जीन यूहन्‍ने बात ङेन्‍नामेकी जहिलेङ थेला सेमला चुक ईन चुक ईन लाङगीन ओतान।

मर्कूस 6:26

थोक सिरजीन था यूहन्‍नाला चुक खाला सेत्‍च्‍ये सिन गेल्‍बोला आउदी पीर लासुङ। तर जे नाङ खासीनोङ तेरग्‍यो सिन गोमाका गाङे ङोन्‍दु जमान खाईन ना क्‍याला ओतेकी थेकी यूहन्‍ने गोःचेन तेरा मुथुबो सिन सिरा माथुप्‍सुङ।

लूका 13:32

थोक सिरजीन थेकी “ख्‍योकोनगी थे किप्‍च्‍याङ च्‍योकराङ च्‍याङबो खित्‍कान्‍ते हेरोदला गाल्‍ला दि बात लोप। च्‍यि सासीन ङा थोरूमोङ ङीमाई ङीमा ङि मि नाङदुकी ल्‍हन्‍डीक तेन्‍ला तोङच्‍येते थेमे नाबाते मिओनला ठाक्‍पा खित्‍च्‍येते काम खिन देत्‍क्‍यो। ङीमा सुमगी छोमुकामा ङे खिता फाप्‍च्‍येते काम सिन्‍दा खिओ।