मत्ती 14:5 - जिरेल

⁵ ईन्‍दानी हेरोदकी थेला सेताङ चाला ओतान। तर मिओनगी यूहन्‍नाला परमेश्‍वर बात खित्‍कान्‍ते सिन माने खाबा ओतेकी थेबे ज्‍यीबेकीङ थेकी थोक खिता थुपा मेतान।

मत्ती 14:5 ပူးပေါင်းရင်းမြစ်များ

मत्ती 11:9

थोगी थेपा ख्‍योकोन ज्‍येनतोक छ्याःङ ताप्‍ला मेन्‍देकी परमेश्‍वर बात खित्‍कान्‍ते मिज्‍यीकलाका तार गाला ओतान मेन? थोक खाईन ख्‍योकोन ठेता खित गालाते यूहन्‍नानी परमेश्‍वर बात खित्‍कान्‍ते मिकामा मेन, थे भन्‍दाङ छ्येते ईन।

मत्ती 21:26

मेन मिकीका ताङाते ईन सिइ सासीन मिओनगी ङुरूङला सेत्‍कीता सिरच्‍ये ज्‍यीबा ओङसुङ। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी थेला मान खिओ सिन ङुरूङला छ्या ओत,” सिन बात खासुङ।

मत्ती 21:32

च्‍यिला सासीन यूहन्‍नेकीचेन परमेश्‍वरगी खि साबाच्‍योक खित्‍च्‍या सिराते च्‍यि ईन्‍दे सिन ख्‍योकोनला लापा ओतान। ईन्‍सीनोङ ख्‍योकोनगी थे बातला नामज्‍योकराङ मासेत्‍सुङ। तर कर लिन्‍कान्‍ते मिओन थेमे रन्‍डीओनगीचेन थे बात ङेन्‍सुङ। थेबेकी थोक खाबाते छ्या स्‍येनामेकीङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते माक्‍यासुङ, यूहन्‍ने बात मेङेन्‍दाराङ खाईन देत्‍सुङ।

लूका 20:6

मेन मिकीका ताङाते ईन सिइ सासीन मिओनगी ङुरूङला दोई ग्‍याप्‍ला सेत्‍क्‍यो। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी मान खिओ सिन ङुरूङला छ्या ओत,” सिन बात खासुङ।

शक्ति काम 4:21

थेबेकी थोक सानामेई थे छ्ये छ्ये मि गाङेकी थेबा ङिबोला सजाय तेराला छ्याःङ निउँ माङेत्‍कीन “ङ्योकोन बात माङेन्‍सीन ख्‍योकोनला मेलेबा ओङगो याङ, ख्‍योकोन होस खि,” सिन लोईन ज्‍यीबा तेन्‍गीन थोकराङ ताङसुङ। च्‍यिला सासीन थोक अचम्‍बते काम ओङा थोङगीन मि गाङेराङ थे बातकामा खिन परमेश्‍वरते जय जय खिन ओतान।

शक्ति काम 5:26

थे मिकी थोक सानामेई पुलिस छ्येते मि थे खोरोङ मिओन टीकीन मन्‍दिरपा गाल्‍सुङ। थेमे छ्याःङ जबरजस्‍ती मिक्‍किता खाईन लुकीन थेबाला टीकीन खुला लिच्‍युङ। थेबाला खइँदा जबरजस्‍ती खासीन थेरू ओताते मिओनगी खोपरोङला दोईकी ग्‍याप्‍ला सेत्‍कीता सिन ज्‍यीबेकी थेबेकी थेबाला छ्याःङ मिक्‍किता खाईन टीकीन खेरसुङ।