मत्ती 14:2 - जिरेल

² थेमे थेकी थे खोरोङ दरवारदु काम खित्‍कान्‍ते मिओनताङ “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खासुङ।

मत्ती 14:2 ပူးပေါင်းရင်းမြစ်များ

मत्ती 11:11

थोगी बप्‍तिस्‍मा तेरकान्‍ते यूहन्‍नाचेन दि सा लुङबादु ओताते मिओन नाङ छ्येते ईन। थातासाक थे छेत छ्ये मि सुङ केबा मेत। तर था स्‍वर्गे राज्‍य बातराङ खिइ सासीनचेन बात खुदुकराङ ईन। यूहन्‍ना थोक छ्ये ईन्‍सीनोङ स्‍वर्गे राज्‍यदु स्‍यूबाते मिओन छेत छ्ये मेन। थेबा गाङे यूहन्‍ना भन्‍दाङ छ्ये ईन।

मत्ती 16:14

थोक सिरजीन थेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ कि यर्मिया कि ज्‍येन दोक्‍पोई दुका सिन बात खिदुक,” सिन सिदुक।

मत्ती 3:1

येशू नासरतदु देता ओत्‍जीनराङ बप्‍तिस्‍मा तेरकान्‍ते यूहन्‍नेकी मिओनला यहूदिये अञ्‍चल री नाङला परमेश्‍वर बात लोपाला स्‍यूसुङ।

मर्कूस 6:14

थेमे गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ। च्‍यिला सासीन गाङेपे मिकी येशू बातकामा खिन ओतान। थेबे नाङ कोईकी “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खिन ओतान।

मर्कूस 8:28

थोक सिरजीन चेलातेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ दोक्‍पोई लोक्‍ला वाबाते ईन सिन बात खिदुक,” सिन सिदुक।

लूका 9:7

हेरोद गेल्‍बोकीङ येशूताङ थे चेलाओनगी खाबाते अचम्‍बते कामगी बात गाङे थोसुङ। येशू सु ईन्‍ताका सिन छ्या मास्‍येकीन थे अलमल्‍ल परे खासुङ। च्‍यिला सासीन लालेकी येशूनी थोङला हेरोद खोरोङगी सेताते बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते ईन सिन बात खिन ओतान।

यूहन्‍ना 10:41

थे थेरू देत्‍जीन थे ओत्‍सादु मि काल्‍बेई ख्‍योल्‍सुङ। थेमे थेबेकी “यूहन्‍नेकी अचम्‍बते काम छ्याःङ खाबा मेतान। थोक ईन्‍सीनोङ थेकी दि मि विषयला साबाते बातचेन गाङे ईन्‍दातेराङ दुका,” सिन बात खासुङ।