18 थेमे थेकी “लो थे स्योबेनताङ ङ्या ङाला नाङ,” सिन सिदुक।
थेबेकी “आबिई गुरू, ङ्योकोनताङनी दुरू स्योबेन ङाताङ ङ्या ङिकामा ओत। दिकीङ दर्गेई मिला च्यि पत्ता लै खितेरो?” सिन सिदुक।
थेमे थे मिओनला साला पाङगी सो लाई नाङला देत च्युत्कीन थेकी थे स्योबेन ङाताङ ङ्या ङि लाःक्तु लाकीन नामने ताकीन थे सापकी लाईदु परमेश्वरला धन्यवाद बिन्सुङ। थेमे थेकी थे स्योबेन च्य्वाकीन गाङेला गोला बिन सिन चेलातेबाला तेरगीन खानामेई थेबेकीङ साबा च्योकराङ खाईन गोकीन बिन्सुङ।
थेमे थेकी थे मिओनला साला देत च्युत्सुङ। थेरूई थेकी थे स्योबेन दुईन लाःक्तु लाकीन परमेश्वरला धन्यवाद बिन्गीन सिन्नामेकी मिओनला गोला बिन सिन च्य्वाकीन चेलातेबाला तेरगीन खासुङ। थेमे चेलातेबेकीङ मि गाङेला गोकीन बिन्सुङ।
थेरूई थेकी चेलातेबाला “लो दि मि गाङेला साला लेमु खाला देत सिन सि,” सिन सिदुक। थेरू थे पाङ खाङ आउदी काल्बेई सो केबा ओतान। थेमे मितेबा गाङेराङ देत्सुङ। थोक खाला थेरू देत्कान्तेबे नाङ हजार ङाजो ख्योओ मिकामा ओतान।
