मत्ती 13:55 - जिरेल

⁵⁵ दिनी दुरू स्‍यिङगी काम खित्‍कान्‍ते मि फुज्‍युङराङनी ईन। दिते आमाते मरियमराङ मेनरो? दि याकूब, यूसुफ, शिमोनताङ यहूदाबे आज्‍योराङनी ईन।

मत्ती 13:55 ပူးပေါင်းရင်းမြစ်များ

मत्ती 27:56

थेबे नाङ मरियम मग्‍दलिनी, याकूबताङ योसे आमा मरियम थेमे जब्‍दी फुज्‍युङबा ङिबो आमाङ ओतान।

मर्कूस 15:40

थेरू फेम्‍मे मिओनोङ येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबे नाङ मरियम मग्‍दलिनी, कान्‍छाते याकूबताङ योसे आमा मरियम थेमे सलोमी ओतान।

मर्कूस 15:47

मरियम मग्‍दलिनीताङ योसे आमा मरियमगी थेला चुक खाईन खापा ज्‍याक्‍सुङा सिन गाङे ताबा ओतान।

मर्कूस 6:3

दिनी दुरू स्‍यिङगी काम खित्‍कान्‍ते मिराङनी ईन। दि मरियम फुज्‍युङ मेनरो? दि याकूब, योसेस, यहूदाताङ शिमोनबे आज्‍योराङनी ईन। थेमे दिते नुमुतेबाङनी गाङे दुरूराङ ओत,” सिन थेला दिङ सु ईन्‍देरो सिराच्‍योक खासुङ। थेबेकी थेला छ्याःङ मान माक्‍यासुङ।

लूका 24:10

दि बातओनचेन मरियम मग्‍दलिनी, योअन्‍ना, याकूब आमा मरियम थेमे थेबाताङ ओताते ज्‍येन फेम्‍मे मि गाङेकी येशू ख्रीष्‍टकी खटे खाबाते चेलाओनला लाःपा ओतान।

लूका 3:23

येशू परमेश्‍वर बात लोप्‍च्‍येते काम खिताला स्‍यूक्‍जीन लो खालज्‍यीकताङ च्‍युताम्‍बे नाङपा ओतान। मिओनगीचेन थेला यूसुफ फुज्‍युङ ईन सिन ओतान। थेमे यूसुफचेन एली फुज्‍युङ ओतान।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

लूका 8:20

थेमे मिज्‍यीगी थेला “ए गुरू, खुईते आमाताङ न्‍वाओन खोल्‍ला ठेता खित्‍च्‍या सिन फिनामा गुकीन देत्‍ला दुक,” सिन सिदुक।

यूहन्‍ना 19:25

थेरू येशू आमा, येशू आमे नुमु, क्‍लोपास फेम्‍मे मरियम थेमे मरियम मग्‍दलिनीबाचेन थेला टाँए खाबाते स्‍यिङगी थामगी खादुराङ देता ओतान।

यूहन्‍ना 6:42

थोगी थेबा “आबिई, च्‍यि दि यूसुफ फुज्‍युङ येशू मेनरो? दि आबा आमाबा सु ईन्‍दे सिन ङुरूङला लेमुराङ खाला छ्या ओत। थेमे दिकी च्‍यिला ‘ङाचेन स्‍वर्गनेकी वाबाते ईन,’ सिन सिका?” सिन बात खिताला स्‍यूसुङ।

यूहन्‍ना 9:29

मोशाताङचेन थाङबो परमेश्‍वरगी बात खाबा ओतान सिन ङ्योकोनला छ्या ओत। तर दि मिनी खापेकी वाबाते ईन्‍दे सिनोङ ङ्योकोनला छ्याःङ छ्या मेत,” सिन सिदुक।

गलाती 1:19

थेरू देत्‍जीन प्रभु येशू न्‍वा याकूबला बाई येशू ख्रीष्‍टकी खटे खाबाते मिओन ज्‍येनलाचेन ङे सुङलाङ माठेत।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।