मत्ती 13:44 - जिरेल44 थोरूमोङ ज्येन बात च्यि सासीन पालोई मिज्यीगी स्यीङज्यीक्तु सुइँदेकी ब्वाकीन ज्याक्पाते सम्पत्ति थेप्तुक्लो। थोक ओङनामेई थेकी गा खिनकामा थे सम्पत्ति याङराङ थे स्यीङदुराङ ब्वादुक्लो। थेमे थेकी च्यि खाकालो सासीन थे खोरोङताङ ओताते जति जेसुकै च्वाकीन थे स्यीङ ङ्योदुक्लो। स्वर्गे राज्य सिरातेङ सुइँदेकी स्यीङज्यीक्तु ब्वाकीन ज्याक्पाते मिज्यीगी थेपाते सम्पत्ति च्योकराङ ईन। အခန်းကိုကြည့်ပါ။ |
मत्ती 13:44
29 ပူးပေါင်းရင်းမြစ်များ
थेमे थेकी “खोल्ला परमेश्वरगी खि साबा साबा च्योककामा खाला साँच्चीराङ नोमुङ मिसिन्च्येते जुनी ङेता सेम लाङगीदुक सासीन था गाल्ला खोरोङते ओताते जति जेसुकै च्वाला पैसाचेन दुक्पा ङेताते मिओनला गोला बिन। थोक खासीन खुई मिनला स्वर्गने नोमुङ सिन्ला तोरला मोन्डोच्येते स्वर्गे सम्पत्ति जम्मा ओङला देत्क्यो। ङे थाल्ला साबाच्योक खाला खोरोङचेन ङात्ताङ ख्योम,” सिन सिदुक।
ङे बात ङेन्ला ङात्ताङ ख्याम्बे लाईदु खाम्बा कि आबा आमा कि आज्यो न्वा आज्यी नुमु कि फुज्युङ फुमु कि जग्गा जिमीन तोङकान्तेबाला परमेश्वरगी आबा आमा, आज्यो न्वा आज्यी नुमु, फुज्युङ फुमु च्योक्तेताङ खाम्बा थेमे जग्गा जिमीन ज्येनोङ झन काल्बेई तेरग्यो। थेमे थेबेकी नोमुङ मिसिन्च्येते जुनीङ ङेत्क्यो।
परमेश्वर बातला गोमाबा टिबा ओताते गाङे बात ङुरूङगी खइँदा लोप्स्यीत सिन टिबाते ईन। थे बात ताजीन ङुरूङगी ज्येनतेबे ख्याल ज्य्वाजीन दुक्पा ओङसीनोङ चुक खाला सेम मेसेता खाला काम खिन देता फाप्च्या ईन्दाका सिन छ्या स्येक्यो। थेमे परमेश्वरगी खिओ साबाच्योक पक्काराङ खिओ सिन आश खाला गुलाराङ देता थुप्क्यो।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
थोगी ङा ख्योकोनला च्यि खि सिते सासीन खेराङला जेसुकै दाङस्यीत ख्योप्स्यीत सिन मेला लुगीन ताकीन सक्कली दुका सिन छ्या स्येबाते सेर ङात्ताङ ङ्यो, ङोचा लाङच्या पेर्दुङबाराङ ओतेकी खोन्दाला ख्योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्यीत सिन ङात्ताङ ओताते मलम ङ्योला कु।
ကြော်ငြာတွေ