मत्ती 13:37 - जिरेल

³⁷ थोक सानामेकी थेकी “लो ङेना,” सिन थेबाला थे कथे अर्थ दोक सिन लाःपाला स्‍यूसुङ। च्‍यि सासीन “ठा देप्‍कान्‍ते मि साबाते परमेश्‍वर ओत्‍सादुई वाबाते मि ङाराङ ईन।

मत्ती 13:37 ပူးပေါင်းရင်းမြစ်များ

मत्ती 10:40

थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

मत्ती 13:24

याङराङ येशूकी थेबाला ज्‍येनज्‍यीक कथाङ लाःप्‍कीनकामा “परमेश्‍वरगी स्‍वर्गे राज्‍य कामोङ दोकराङ खाला खिओ। चुक सासीन मिज्‍यीगी थे खोरोङ स्‍यीङदु ठा ताप्‍तुक्‍लो।

मत्ती 13:27

थोक थोङनामेकी थे स्‍यीङगी धनी खाम्‍बादु काम खित्‍कान्‍ते मिओनगी वाकीन थेला ‘हजूर, खुईनी स्‍यीङदु ठाका तापा ओतान मेन? थेमे चुक खाईन थेरू थोक काल्‍बेई ह्रीमाङ केताका,’ सिन ठिदुक्‍लो।

मत्ती 13:4

सोन देप्‍जीन कोई सोन लामला फाप्‍तुक्‍लो। थेमे थे सोनचेन छ्योज्‍युङमेकी वाकीन गाङे सोदुक्‍लो।

मत्ती 13:41

चुक सासीन थेजीन परमेश्‍वर ओत्‍सादुई वाबाते मि ङा ङाराङ दूतओनला तोङगो। थेमे थेबेकी ङे राज्‍यदु गाङेपा गाल्‍ला ज्‍येनला पाप खित ज्‍युत्‍कान्‍तेबा थेमे मेलेबा मेलेबा काम खित्‍कान्‍ते मि गाङेला रूला

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

रोमी 15:18

ङे लापाते बात ङेन्‍गीन ज्‍येन ज्‍येन जातकी मिकी परमेश्‍वरगी खि साबाते ङेन्‍दाला स्‍यूसुङ। ङाराङगी स्‍याप स्‍याप खाईन खाबाते कामगी खित्‍सादुका थेबेकी दोक खिताला स्‍यूबाते ईन सिनचेन ङा नोउ छ्ये मिक्‍किओ। च्‍यिला सासीन ङे थेबे नाङ खाबाते कामताङ बात गाङे ख्रीष्‍टकी शक्ति छ्य्‌वापेकी खाबाते ईन।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।