मत्ती 13:33 - जिरेल

³³ दोक सानामेई याङराङ थेकी “स्‍वर्गे राज्‍य बात गाङेपा फैले खित्‍च्‍येते बातचेन दि बात च्‍योकराङ ईन। च्‍यि सासीन सुइँदा फेम्‍मे मिकी स्‍योबेन स्‍येक्‍पे बेलाला फाम सुमजो ज्‍येन्‍ताक ङेक्‍जीन सोडा टिक्‍पीस्‍यिककामा लुक्‍यो। छुस्‍सईकामा लुक्‍सीनोङ थेराङ गाङेपा ठाम्‍ला थे ज्‍येन्‍ताक लेमु खाला फुले खिओ,” सिन सिदुक।

मत्ती 13:33 ပူးပေါင်းရင်းမြစ်များ

मत्ती 13:24

याङराङ येशूकी थेबाला ज्‍येनज्‍यीक कथाङ लाःप्‍कीनकामा “परमेश्‍वरगी स्‍वर्गे राज्‍य कामोङ दोकराङ खाला खिओ। चुक सासीन मिज्‍यीगी थे खोरोङ स्‍यीङदु ठा ताप्‍तुक्‍लो।

मर्कूस 13:20

थे खोरोङ सन्‍तान सिन छाने खाबाते मिओनगी थे दुक्‍पा खपे खिन देता माफाप्‍स्‍यीत सिन प्रभु परमेश्‍वरगी थोक दुक्‍पा ओङच्‍येते दिन घटे खाबा ओत। थोक माक्‍याबा ईन्‍सीन थेजीन सुङ मि सोन्‍ला देता मुथुबो।

लूका 13:21

च्‍यि सासीन सुइँदा फेम्‍मे मिकी स्‍योबेन स्‍येक्‍पे बेलाला फाम सुमजो ज्‍येन्‍ताक ङेक्‍जीन सोडा टिक्‍पीस्‍यिककामा लुक्‍यो। छुस्‍सईकामा लुक्‍सीनोङ थेराङ गाङेपा ठाम्‍ला थे ज्‍येन्‍ताक लेमु खाला फुले खिओ,” सिन सिदुक।

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

गलाती 5:9

सोडा टिक्‍पीस्‍यिकराङ लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।