मत्ती 13:22 - जिरेल22 लोक्ला चाङगी बुटे नाङला फाप्कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्येन थरीज्यीक मिला साबाते ईन। थोक्ते मिओनगी स्वर्गे राज्य बातनी ङेन्ग्यो। ईन्सीनोङ साच्या थुङच्याताङ खोन्च्ये पीर थेमे सम्पत्ति लोभकी खित्सादु थेबेकी थोबाते बात दाक टोक ज्येत्ला छ्याःङ काम लै मिक्किओ। အခန်းကိုကြည့်ပါ။ |
मत्ती 13:22
42 ပူးပေါင်းရင်းမြစ်များ
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
लोक्ला कोई कोईकी परमेश्वर बातनी ङेन्ग्यो। ईन्सीनोङ साच्या थुङच्याताङ खोन्च्ये पीर, सम्पत्ति लोभ थेमे सुबा दुला दुला सेइन किम्मु खाला देता चालेकी खित्सादु थेबेकी थोबाते परमेश्वर बात दाक टोक ज्येत्ला छ्याःङ काम लै मिक्किओ। चाङगी बुटे नाङ फाप्कीन केबाते छ्याःङ मागोन्दाते सोन साबातेचेन होथोक्ते मिओनला साबाते ईन।
थेबा ङिबोकी मिओन लाक्तु लाक्पा ज्याक्नामेई मिओनगी परमेश्वर आत्मा ङेताते शिमोनगीङ थोङसुङ। थेमे थेकी थेबा ङिबोला “ङालाङ ख्योकोनगी च्योक खाला मि लाक लाक्पा ज्य्वाजीन मिओनला परमेश्वर आत्मा तेरा थुप्च्येते शक्ति नाङ। थेमे ङे जो मि लाक्तु लाक्पा ज्याक्सीनोङ थेकी परमेश्वर आत्मा ङेत्स्यीत,” सिन थेबाला पैसा तेरा चाल्सुङ।
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
परमेश्वरगी थोक साबेकी च्यि था आउदी बुद्धि ओताते मिओन बुद्धि काम लै खित्च्या ओङसुङ? थेमे च्यि काल्बेई पढे खित्कान्तेबेकी था खइँदा खिता थुप्च्या ओङसुङरो? थोकराङ खाला च्यि थरिङोला बात खिताला आउदी सिपालु ओत्कान्तेबेकीङ था खइँदा खिता थुप्क्योतरो? दि सा लुङबे मिओनगी आउदी बुद्धिताङ सीप ओताते मि साबाते मिओन बुद्धि परमेश्वरगी छ्याःङ काम लै मिक्किच्या जोबा ओत।
ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। च्यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्योकोन नाङ सुइँदाला खेराङ होथेबेकी साबा च्योक्ते मि ईन सिराच्योक लाङगीदुक सासीन बरू ख्योकोनगी ङानी छ्याःङ मेस्येकान्ते मि ईन सिराच्योक खि। दोक खाला छ्ये मिक्किकान्ते मिराङ बुद्धि ओताते मि ईन।
थेमे थरिङोला छ्युक्पु ओताते मिओनला दोक सिन कोत। थेबाला छ्ये माकेत सि, सम्पत्ति ओत्कीन ओत सिन ढुक्क खाला मादेत सि। थोक्ते सम्पत्तिनी नामसाक दाक्पोन लाःक्तु देत्कीते सिन छ्याःङ छ्या मेङगो। बरू थेबाला परमेश्वरला भर परे खिता लोप सिन सि। थेकीराङ ङुरूङला गोच्येतेबरी दाङच्या ख्योप्च्या खाला बिन्ला गा खिन देत ज्युत्क्यो।
ကြော်ငြာတွေ