मत्ती 13:15 - जिरेल

¹⁵ च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। थेमे थोक खानामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

मत्ती 13:15 ပူးပေါင်းရင်းမြစ်များ

मर्कूस 4:12

ङे दोक खित्‍च्‍येतेचेन ‘थेबेकी परमेश्‍वरगी खिन ओताते काम जति थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात जति थोसीनोङ च्‍यि साबाते ईन्‍दे सिन छ्याःङ मोखोस्‍यीत सिन ईन। थेबेकी बात खोबा ईन्‍सीन थेमे ङेन्‍दा ईन्‍सीन थेबा परमेश्‍वर छ्य्‌वापा लै खित्‍च्‍या ओतान थेमे थेकी थेबाला पापदुकी टाल्‍ला माफ तेरच्‍या ओतान,’ ” सिन सिदुक।

लूका 19:42

ङुइनकामा थेकी “यरूशलेम मिवे, सुङगीङ ज्‍यीबा मुखुरा खाला लेमु खाला देताला खेराङगी च्‍यि खिता फाप्‍कीते सिन ख्‍योकोनगी थरिङकामा छ्या स्‍येबा ईन्‍सीनोङ थोई लेमु ओङच्‍या ओताने। तर दि बात ख्‍योकोनगी थोरूमसाकोङ छ्याःङ छ्या मास्‍येसुङ।

शक्ति काम 28:27

च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। दोक ओङनामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

शक्ति काम 7:57

थोक खाईन येशू परमेश्‍वर सामे छ्य्‌वापा देत्‍ला दुक साकीन थेला परमेश्‍वर च्‍योकराङ जोसुङ, दिलानी सेताराङ फाप्‍क्‍यो सिन थे मिओन खाज्‍यीकराङ खाईन मिताराङ खाच्‍या खाईन छेरा खासुङ। थेमे थोक्‍ते बात मोथोस्‍यीत सिन थेबेकी खोपरोङ नामज्‍योक काक्‍सुङ। थेमे थेबा गाङेराङ थे लाक फुङ पुकीन

२ तिमोथी 4:4

थोक खाला थेबेकी सत्‍यते बात ङेन्‍दा ताङला छ्याःङ काम लै मिक्‍किच्‍येते कथाओनका लेमु खाला ङेन्‍ग्‍यो।

हिब्रू 5:11

ङुरूङते गाङे भन्‍दा छ्येते पूजारी विषयला ख्‍योकोनला सिरा फाप्‍च्‍येते दोक्‍ते बात थोरूमोङ काल्‍बेई ओत। ईन्‍सीनोङ ख्‍योकोन खोले खोलेकामा खोकान ईन्‍देकी दोक्‍ते बात पालोईला सिराराङ मुथुबो।

छ्या स्‍ये च्‍युताते बात 22:2

थे सारगी मूल लामदुई ख्‍याम्‍गीन ओतान। थे चाङबो फारकेनताङ छुरकेन छेउ ङिकारपा नोमुङ मिसिन्‍च्‍येते जुनी ङेत्‍च्‍येते फलफूल दोङबो ओतान। थे दोङबोला दावाईओङ खाली मेदेता खाला दावे ठाङमा थरी रेरे फलफूल गोन्‍गीनराङ देत्‍च्‍याक्‍वा। थे दोङबो दाम्‍मातेबाचेन लुङबा लुङबे मिला ठाक्‍पा खित्‍च्‍येते मेन दुका।