मत्ती 13:13 - जिरेल

¹³ बात दोक ईन्‍देकीराङ ङा ज्‍येन ज्‍येनला लोप्‍जीनचेन कथालाकामा लोप्‍क्‍यो, कथे अर्थचेन मालाःबो। च्‍यिला सासीन थेबेकी परमेश्‍वरगी खिन ओताते काम थोङसीनोङ च्‍यि खिता चालाते ईन्‍ताका सिन छ्याःङ मोखोदुक। थेमे परमेश्‍वर बात थोसीनोङ च्‍यि साबाते ईन्‍दे सिन छ्याःङ छ्या मेस्‍येदुक।

मत्ती 13:13 ပူးပေါင်းရင်းမြစ်များ

मत्ती 13:16

तर ख्‍योकोनचेन भाग्‍यमानी ईन। ख्‍योकोनगी खेराङ मिक चुम्‍बा मेतेकी थेमे नामज्‍योक थुक्‍पु जोबा मेतेकी खित्‍सादु स्‍वर्गे राज्‍य वाबाते थोङा ओत। थेमे थे राज्‍य बादोङ खोबा ओत।

रोमी 11:8

थेबा थोक डुइओ सिन परमेश्‍वर बातला “परमेश्‍वरगीराङ थेबाला छ्याःङ खोबा मुथुप्‍च्‍या जोसुङ। थोक ओङेकी मिक ओत्‍सीनोङ थेबेकी परमेश्‍वरगी खाबाते काम छ्याःङ थोङराङ मोथोङदुक। थेमे नामज्‍योक ओत्‍सीनोङ थेकी खाबाते बात छ्याःङ थोराङ मोथोदुक। थोरूमसाकोङ थेबा होथोकराङ गाल्‍गीन देत्‍ला दुक,” सिन टिबा ओतान।