मत्ती 13:12 - जिरेल

¹² च्‍यि सासीन स्‍वर्गे राज्‍य बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। थे बात थोलाङ खोबा मोछोल्‍कान्‍ते मिलाचेन टिक्‍पी टिक्‍पी छ्या स्‍येबा ओताते बादोङ टोक ज्‍येत ज्‍युत्‍क्‍यो।

मत्ती 13:12 ပူးပေါင်းရင်းမြစ်များ

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

मत्ती 25:29

च्‍यिला सासीन खित्‍कान्‍तेला थे लाक्‍तुङ थपे खाला तेरग्‍यो, मिक्‍किकान्‍ते लाःक्‍तुकीचेन थेत्ताङ ओतातेङ ठ्वाला खेरग्‍यो।

मर्कूस 12:9

लो ख्‍योकोन विचार खि, था थे स्‍यीङगी धनीकी थे मिओनला च्‍यि खाओङा। च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?

लूका 10:42

खिता फाप्‍च्‍येते कामज्‍यीककामा ओत। थे काम मरियमगी खिन दुक। दोक माकेत सिन दिला सुङगीङ सिरा मेङगो,” सिन सिदुक।

लूका 12:48

तर खिता फाप्‍च्‍येते काम च्‍यि ईन्‍दे सिन छ्या मेस्‍येकान्‍तेकी खइँदा काम ङ्ये च्‍युत्‍सीन थोक्‍तेलाचेन मालिकतेकी ज्‍येनतेला छेतराङ मुदुङो। बातचेन दिराङ ईन। च्‍यि सासीन परमेश्‍वरगीङ जो जसला बात काल्‍बेई छ्या स्‍ये च्‍युत्‍कीन काल्‍बेई कामगी जिम्‍मा बिन्‍ला दुक थे थेकी जिम्‍मा लै खाबाच्‍योक खाईन काम खाकाना माक्‍याका सिन तिरी गाङे तेइओ। काल्‍बेई कामगी जिम्‍मा खुराते मिओनगी थेला थोजोराङ काम खाबाते तेन्‍दा फाप्‍क्‍यो।

लूका 16:2

थोगी थेला काताङगीन च्‍याकीन ‘खो ङे सम्‍पत्ति आउदी मनपरी खाला चले खित्‍च्‍याक्‍वा। था खो दुरू देता माफाबो। थरिङसाक हर हिसाब गाङे नाङ,’ सिन सादुक्‍लो।

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

लूका 8:18

थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

लूका 9:26

थेमे सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी छ्येज्‍यीक शक्ति ङेत्‍ला ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो।

याकूब 4:6

परमेश्‍वरलाकामा माने खित्‍कान्‍ते मिओनला परमेश्‍वरगी झन झन दया खिओ। दोक खिओ सिन परमेश्‍वर बातला “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

छ्या स्‍ये च्‍युताते बात 2:5

ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।