मत्ती 12:40 - जिरेल

⁴⁰ च्‍यि सासीन योनाला समुन्‍द्रे ङ्या जोदाज्‍यीगी मीक ताङनामेई थे ङीमा सुमताङ ग्‍वामा सुमसाक ङ्ये सुबे नाङ देता फापा च्‍योकराङ परमेश्‍वर ओत्‍सादुई वाबाते मि ङाङ स्‍यिनामेई ङीमा सुमताङ ग्‍वामा सुमसाक सबी चावादु देता फाप्‍क्‍यो।

मत्ती 12:40 ပူးပေါင်းရင်းမြစ်များ

मत्ती 12:8

परमेश्‍वर ओत्‍सादुई वाबाते मि ङात्ताङचेन सन्‍चारी छोमुङ दि खिता ओङगो, थे खिता मेङगो सिन सिरच्‍येते अधिकार ओत,” सिन सिदुक।

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 17:23

थेमे थेबेकी ङाला सेत्‍क्‍यो। तर ङीमा सुमगी छोमुचेन परमेश्‍वरगी ङाला सोम्‍बो लोइओ,” सिन सिदुक। दि बात थोनामेई चेलातेबा आउदी पीर खिताला स्‍यूसुङ।

मत्ती 27:40

“ए खोनी परमेश्‍वर मन्‍दिर राम्‍ला च्‍याला ङीमा सुमला ज्‍वा थुप्‍क्‍यो सिन सिरकान्‍तेराङ मेनरो? लो खो पक्‍काराङ परमेश्‍वर फुज्‍युङ ईन्‍सुङ सासीन थे स्‍यिङगी थामदुकी देमा फाप्‍ला वाला खोरोङला सोन्‍दा खि। लोते ओना खो खजोते ईन्‍दाका,” सिन खिस्‍यी खासुङ।

मत्ती 28:6

थेनी दुरू मेत। थेनी थे खोरोङगी गोमा साबा च्‍योकराङ खाईन स्‍यिसादुकी सोम्‍बो लोक्‍पा ओत। लो तार स्‍योक। थे रो ज्‍याक्‍पाते ठाउँ दिराङ ईन।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

यूहन्‍ना 2:19

थोक सिरजीन थेकी “लो दि मन्‍दिर बराङ बुरूङ रोम। थेमे ङा ङीमा सुमलाराङ लोक्‍ला जस्‍तो तस्‍तो जोइओ,” सिन सिदुक।