मत्ती 12:33 - जिरेल

³³ बात च्‍यि सासीन रोग लै माक्‍याबाते दोङबोलाकामा लेमु खाला फलफूल गोन्‍ग्‍यो। रोग लै खाबाते दोङबोलाचेन लेमु खाला फलफूल मोगोनो। थोक ईन्‍देकी फलफूल तालाराङ थे दोङबो रोग लै खाबातेताङ माक्‍याबाते चुक्‍ते ईन्‍दे सिन डेला थुप्‍क्‍यो।

मत्ती 12:33 ပူးပေါင်းရင်းမြစ်များ

मत्ती 23:26

फरिसी पाटी मिवे, खोइ ख्‍योकोनगी छ्या स्‍येबाते? गोमा ख्‍योकोनगी खेराङगीकामा सा थुङा ङेत्‍सीन ओङच्‍या ओतान सिराच्‍योक खिता थोङ। थेमेका ख्‍योकोनते सेम थेमे स्‍यीतेबाङ परमेश्‍वरगी ताजीन लेमु थोङगो।

लूका 3:9

बरू च्‍याङबो खि, फलफूल मोगोन्‍च्‍येते दोङबो चाप्रेनपाराङ टिलाला था परमेश्‍वरगी तरी मच्‍चे खाईन सिन्‍दा ओत। होथोक्‍ते दोङबो था गाङे टिल्‍ला स्‍येइओ,” सिन सिदुक।

याकूब 3:12

आज्‍यो न्‍वावे, च्‍यि नेभारे दोङबोला जैतुन फल थेमे अंगूर दोङबोला नेभारे फल गोन्‍ग्‍योतरो? थोकराङ खाला छाप्‍टोते छ्युई मोनदुकीङ मिकी थुङा थुप्‍च्‍येते छ्यु दोलराङ मोदोलो।

याकूब 4:8

ख्‍योकोन परमेश्‍वर दोन्‍दु ग्‍युक। थेमे थे ख्‍योकोन दोन्‍दु ओङगो। ख्‍योकोन पापीओनगी था पाप खिता थोङ। परमेश्‍वरगी खि साबातेङ ङेन्‍दा छोल्‍च्‍या, दाक्‍पोन खुशीङ खिता छोल्‍कान्‍ते सेम ङि ओताते मिओनगीङ था थोक्‍ते बानी थोङ।