मत्ती 12:31 - जिरेल31 ङा ख्योकोनला च्यि सिते सासीन मिओनगी जे पाप खासीनोङ थेमे परमेश्वर विरोध खाईन जे सासीनोङ थे माफ ङेता थुप्क्यो। तर ईन्दा मेन्दा साला परमेश्वर आत्मे विरोध खित्कान्ते मिकीचेन नोमुङ माफ मेङेदो। အခန်းကိုကြည့်ပါ။ |
मत्ती 12:31
15 ပူးပေါင်းရင်းမြစ်များ
ङे थाल्लासाक खाबाते बात थोकान ख्योकोन गाङेराङ जति सासीनोङ टेरेराङ मिक्किच्या स्यिङ दो च्योकराङ गाल्ला दुक। ख्योकोनते नामज्योक थुक्पु गाल्ला दुक। ख्योकोनचेन परमेश्वरगी साबाते ङेनराङ मेङेन्दुक। ख्योकोन खेराङ ज्युज्यु पुर्खा च्योकराङ गाल्ला दुक। थेबेकी खाबा च्योकराङ ख्योकोनोङ परमेश्वर आत्मेकी साबाते ङेनराङ मेङेन्दुक।
होथोक्ते मिकीनी थोक ज्यीबा लाङच्याई सजाय ङेत्क्यो सासीन परमेश्वर फुज्युङला काम्बे पुज्या छेदोङ गने मिक्किकान्ते, दाक्पोन सेम खुदुक जोच्येते जमान पूरो खित्कान्ते परमेश्वर फुज्युङ ठाकला छ्याःङ काम लै मिक्किच्येते च्योक ठाने खित्कान्ते थेमे मिओनला दया खित्कान्ते परमेश्वर आत्मे विरोध खित्कान्ते मिकी झन चुक ज्यीबा लाङच्याई सजाय ङेदोङा सिन ख्योकोन खेराङराङ विचार खि।
थेमे ख्योकोन सुइँदेकी खेराङ आज्यो न्वा सुइँदेकी पाप खिता थोङसीन थेमे थे पाप खाबेकी थे स्यिला नरककुण्डमा स्यूक्पा फाप्च्या मेत्सीन ख्योकोन थोक खिता थोङकानगी परमेश्वरगी थेला थारच्येते लाम तेरस्यीत सिन प्रार्थना खि। दोक खाईन प्रार्थना खानामेई परमेश्वरगी थेला नोमुङ मिसिन्च्येते जुनी मेतेरो सिन मिसिरो। ङे थोक्ते मि लाईदु प्रार्थना खि साबातेचेन खालि पाप खाबेकी खित्सादु स्यिला नरककुण्डमा स्यूक्पा माफाप्कान्ते मि लाईदुकामा ईन। पाप खाबेकी स्यिला नरककुण्डमा स्यूक्पा फाप्कान्ते मि लाईदु थोक खि सिनचेन ङे साबाते मेन। च्यिला सासीन दोक्ते पापोङ ओङगो, थे पाप खित्कान्ते मिचेन स्यिला नरककुण्डमा स्यूइओ।
ကြော်ငြာတွေ