मत्ती 12:24 - जिरेल

²⁴ मिओनगी थोक सिरा थोकीन फरिसी पाटी मिओनगीचेन “दि छ्याःङ अचम्‍बते बात मेन। ल्‍हन्‍डीक गेल्‍बो बालजिबुलताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सासुङ।

मत्ती 12:24 ပူးပေါင်းရင်းမြစ်များ

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 9:32

थे मि ङिबो थेरूई फिला थेन्‍दाईताङ मिज्‍यीकला टीकीन कोई कोई मि येशू ओत्‍सादु ख्‍योल्‍सुङ। थे मिचेन ल्‍हन्‍डीक खोकीन बातराङ खिता मुथुप्‍च्‍या गालाई ओतान।

मत्ती 9:34

तर थेरू ओताते फरिसी पाटी मिओनगीचेन “दि छ्याःङ अचम्‍बते बात मेन। ल्‍हन्‍डीक गेल्‍बो शैतानताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सिदुक।

मर्कूस 3:22

यरूशलेमनेकी कोई कोई धर्मे गुरूङ थेरू वाबा ओतान। थेबेकीचेन “दिला ल्‍हन्‍डीक गेल्‍बो बालजिबुल खोदुक। होथेत्ताङ डिक्‍लाका दिकी थे शक्तिकीराङ ल्‍हन्‍डीक तेन्‍ला तोङच्‍येते ईन,” सिन सासुङ।

लूका 11:14

बाजिई येशूकी मिज्‍यीकदुकी ल्‍हन्‍डीक तेन्‍गीन ताङसुङ। ल्‍हन्‍डीक खोबेकी खित्‍सादु थे मि बात खिता मुथुप्‍च्‍या गाला ओतान। थेकी ल्‍हन्‍डीक तेन्‍गीन ताङनामेकी थे मि बात खिता थुप्‍च्‍या गाल्‍सुङ। थोक अचम्‍ब ओङा थोङगीन थेरू ओताते मिओन छक्‍क परे खासुङ।

लूका 11:15

तर थेबे नाङ कोई कोईकी “दि छ्याःङ अचम्‍बते बात मेन। ल्‍हन्‍डीक गेल्‍बो बालजिबुलताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सासुङ।