मत्ती 12:18 - जिरेल18 चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्ये खिओ थेमे दित्ताङ खुशीङ ओत। ङा दिला ङाराङ आत्मा तेरग्यो। थेमे दिकीराङ ङे जात जातकी मिला काका पाका मिक्किता खाला न्याय खिओ सिन लाप्ला तेरग्यो। အခန်းကိုကြည့်ပါ။ |
मत्ती 12:18
40 ပူးပေါင်းရင်းမြစ်များ
थेरू ताप्ला वाबाते मिओनचेन थोक थोक ओङाते गाङे तेइनराङ ओतान। यहूदीओन छ्ये छ्ये मिकीचेन खोल्ला ठोकस्यिङ सिराच्योक खिन “दिला तोना, दिकी ज्येन ज्येनलानी सोन्दा खासुङ। लो था दि परमेश्वरगी छाने खाईन तोङगो साबाते ख्रीष्टराङ दुका सासीन थे खोरोङला चुक खाला सोन ज्युत्च्या ईन्दाका, तेइना ओना,” सिन सासुङ।
थेरू चुक सिन टिबा ओताने सासीन “प्रभु परमेश्वरगी ङाला थे खोरोङ आत्मा बिन्दा ओत। थेकी ङाला छ्याःङ मेताते मिओनला गा लाङच्येते बात लोपाला खटे खाबाते ईन। दोस्यिककामा मेन, थेकी ङाला जेलदु देता ओत्कानला था थेरूकी थेन्दा ङेत्क्यो सिन सि, अन्धओनला थोङा थुप्च्या जो, ज्येनगी अन्याय खाईन दुक्पा ङेताते मिओनला दुक्पादुकी ठोल
थेकी दि गाङे बात सानामेकी गोमा थेला ङारकान्ते मि गाङेराङ खाराक्पा देत्सुङ। थेमे थेबेकी परमेश्वरते जय जय खिनकामा “दि चुक अचम्बे बात ईन्दाका। थानी परमेश्वरगी ङुरूङगी च्योकराङ खाला ज्येन ज्येन जातकी मिकीङ नोमुङ मिसिन्च्येते जुनी ङेत्स्यीत सिन थेबाला खोपरोङ पापी दुका सिन छ्या स्येला परमेश्वर छ्य्वापा लै खित्च्ये मौका तेराला स्यूदुक,” सिन बात खासुङ।
चुक सासीन बाजिई ङ्योकोन प्रभु येशूताङ बोमज्यीक्तु ङ्योम्बुराङ ओते बेलाला आबा परमेश्वरगी थेला आउदी छ्येज्यीक मान बिन्देकी खित्सादु ङ्योकोनगी थेला मिगी ताराङ मुथुप्च्या झिलिमिली नाम्दाकला देता ओता थोङा ओतान। थेमे थेजीनराङ परमेश्वरगी स्वर्गनेकी “दि ङे फुज्युङ ईन। ङा दिला आउदी ङिङज्ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्वरगी थेला थोक छ्ये जोइन साबाते दि बात ङ्योकोनगी ङेराङ नामज्योककीराङ थोबाते ईन।
ကြော်ငြာတွေ