मत्ती 12:17 - जिरेल

¹⁷ थोक खित्‍जीन थेकी चुक खिते सिन परमेश्‍वरगी दोक सिन थे खोरोङ बात खित्‍कान्‍ते यशैयाला सिर च्‍युताते बात साबा च्‍योकराङ ओङसुङ।

मत्ती 12:17 ပူးပေါင်းရင်းမြစ်များ

मत्ती 12:16

थोक खिन थेकी थे मिओनला थे खोरोङगी दोक खासुङ सिन सुङलाङ मासेरा सिन कोत्‍सुङ।

मत्ती 12:18

चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्‍ये खिओ थेमे दित्ताङ खुशीङ ओत। ङा दिला ङाराङ आत्‍मा तेरग्‍यो। थेमे दिकीराङ ङे जात जातकी मिला काका पाका मिक्‍किता खाला न्‍याय खिओ सिन लाप्‍ला तेरग्‍यो।

मत्ती 13:35

थोक खाईन थाङबोका परमेश्‍वरगी थे खोरोङ बात खित्‍कान्‍ते छ्य्‌वापेकी साबाते दि बात साबा च्‍योकराङ ओङसुङ। थेकी “ङा मिओनला कथा लाःप्‍लाकामा ङाराङ बात लोप्‍क्‍यो। थोक खाला ङा थेबाला दि साताङ नाम जोजीनमेकी थातासाक छ्या स्‍ये च्‍युता मेताते बातओन लाप्‍ला तेरग्‍यो,” सिन साबा ओतान।

मत्ती 21:4

दोक ओङगीन थाङबो परमेश्‍वर बात खित्‍कान्‍ते मिकी साबाते दि बात साबा च्‍योकराङ ओङसुङ। थेकीचेन

मत्ती 8:17

थेकी थोक खाबेकी थाङबो परमेश्‍वर बात खित्‍कान्‍ते यशैयेकी “थेकी ङुरूङला रोगताङ नाचादुकी ठाक्‍पा खाईन बिन्‍सुङ,” सिन साबाते बात साबा च्‍योकराङ ओङसुङ।

लूका 21:22

दिचेन परमेश्‍वरगी यहूदीओनला सजाय तेरच्‍येते समय ईन। थोक खाला परमेश्‍वर बातला गोमाका टिबाते सजाय तेरच्‍येते बात साबा च्‍योकराङ ओङगो।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 10:35

परमेश्‍वर बातला टिबाते बात फरकराङ परे मिक्‍किओ। मिओनताङ बात खित्‍जीन परमेश्‍वरगी थेबाला ‘परमेश्‍वर फुज्‍युङ फुमु ईन,’ सिन साबा ओतान।

यूहन्‍ना 12:38

थेबेकी थोक खानामेई परमेश्‍वर बात खित्‍कान्‍ते यशैयेकी “प्रभु परमेश्‍वर, ङ्योकोनगी साबाते बात गाङेकी थोसीनोङ सुई नामज्‍योक सेत्‍सुङारो? थेमे खुई छ्ये छ्ये काम खाईन तेन्‍सीनोङ प्रभु परमेश्‍वर खोत्ताङ चुक छ्येज्‍यीक शक्ति ओता ईन्‍दाका सिन सुई छ्या स्‍येसुङारो?” सिन टिबाते बात साबा च्‍योकराङ ओङसुङ।

यूहन्‍ना 19:28

थेमे येशूकी थे खोरोङगी खिता फाप्‍च्‍येते काम जति खाईन सिन्‍दाते छ्या स्‍येकीन “ङाला कोम्‍बा लासुङ,” सिन सिदुक। थेकी थोक सानामेई परमेश्‍वर बातला टिबा ओताते बात साबा च्‍योकराङ ओङसुङ।

शक्ति काम 13:27

यरूशलेम मिओनताङ थेबे छ्ये छ्ये मिकी येशूला परमेश्‍वरगी ताङाते ईन सिरच्‍येते बात छ्या मास्‍येसुङ। थेमे परमेश्‍वर बात खित्‍कान्‍तेबेकी येशू विषयला टिबाते बाततेबा सन्‍चारी सन्‍चारीला पढे खासीनोङ थेबेकी थेङ छ्याःङ माखोसुङ। थेबेकीचेन येशूला सजाय तेरा फाप्‍क्‍यो साकीन थेला चुक ओङगीते सिन गोमाका परमेश्‍वर बात खित्‍कान्‍तेबेकी टिबाते बाततेबा साबा च्‍योकराङ ओङ च्‍युत्‍सुङ।