मत्ती 12:14 - जिरेल

¹⁴ थेकी थे मि लाक्‍पा ठाक्‍पा खानामेकी फरिसी पाटी मिओन स्‍येदाङ खिन थेरूकी गाल्‍गीन येशूला सेता फाप्‍क्‍यो सिन ठो खिताला स्‍यूसुङ।

मत्ती 12:14 ပူးပေါင်းရင်းမြစ်များ

मत्ती 26:4

थेमे थेबेकी थेरू चुक खाला मि सुङगीङ थाहा मेछ्येता खाला येशूला जुम्‍ला सेता थुबोङा सिन ठो खिताला स्‍यूसुङ।

मत्ती 27:1

थेमे नाम लानामेई ङोमुका थेरू जम्‍मा ओङाते छ्ये छ्ये पूजारीताङ यहूदीओन छ्ये छ्ये मि गाङेकी येशूला सेता फाप्‍क्‍यो सिन बात डिक्‍पा खासुङ।

मर्कूस 14:1

थेमे निस्‍तार चाडताङ सोडा मुलुबा खाला स्‍योबेन स्‍येला साच्‍येते चाड ओङाला ङीमा ङिकामा बाँकी ओतान। थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान।

मर्कूस 3:6

थेकी थे मि लाक्‍पा ठाक्‍पा खानामेकी थे फरिसी पाटी मिओन मिटिङ खित्‍च्‍येते खाम्‍बादुकी गाल्‍सुङ। थेमे हेरोद गेल्‍बोताङ डिक्‍कान्‍ते मिओनताङ ठेता खाईन येशूला सेता फाप्‍क्‍यो सिन ठो खिताला स्‍यूसुङ।

लूका 22:2

थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान। मिओन ज्‍यीबेकी थेबेकी थेला थोक खाला खाराक्‍पा सेता छोल्‍गीन ओतान।

लूका 6:11

येशूकी थेरू थोक थोक खाबा थोङगीन थे मिओन स्‍येदाङगी टोले स्‍यिसुङ। थेमे था थेला च्‍यि खाला स्‍येदाङ सेत्‍च्‍या ईन्‍ताका सिन खोपरोङ नाङ ठो खिताला स्‍यूसुङ।

यूहन्‍ना 10:31

थेकी दोक सानामेई लोईन यहूदीओनगी थेला सेताप सिन देक्‍पाला दो तुसुङ।

यूहन्‍ना 10:39

थेमे थेबेकी लोईन थेला जिन्‍दा चाला ओतान। तर थे थेबे दोन्‍दुई दाक गाल्‍सुङ।

यूहन्‍ना 11:53

थे छोमुमेई थेबाबरीकी येशूला सेताराङ फाप्‍क्‍यो सिन ठो खासुङ।

यूहन्‍ना 11:57

छ्ये छ्ये पूजारीताङ फरिसी पाटी मिओनगी सुइँदेकी येशूला खइँसाला ओता थोङसीन वाला थेबाला लोबा सिन कोता ओतान। थेबा खोपरोङगी थेला जिन्‍दा थुप्‍स्‍यीत सिन थेबेकी मिओनला थोक साबा ओतान।

यूहन्‍ना 5:18

थेकी थोक सानामेईनी थेबेकी झन थेला सेताराङ चाल्‍सुङ। च्‍यिला सासीन थेकी परमेश्‍वर नियमला सन्‍चारी छोमु काम खिता मेङगो साबाते बात माङेन्‍दातेकामा मेन्‍देकी परमेश्‍वरला थे खोरोङ आबा ईन साकीन थे खोरोङोङ परमेश्‍वर छेतराङ ईन सिन साबा ओतान।

यूहन्‍ना 7:30

थेकी थोक सिरजीन थेबेकी थेला जिन्‍दा चाल्‍सुङ। तर थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी सुङगीङ थेला रिक्‍लाङ द्वा माथुप्‍सुङ।

यूहन्‍ना 7:32

थोक खाईन मिओनगी स्‍यापस्‍यापताङ स्‍युपस्‍युप खिन होथोक सिन येशू बात खाबाते फरिसी पाटी मिओनगी थोसुङ। थेमे छ्ये छ्ये पूजारीताङ फरिसी पाटी मिओनगी येशूला जुम्‍ला खोरच्‍योक सिन मन्‍दिरदु देत्‍कान्‍ते पुलिसओन ताङसुङ।

यूहन्‍ना 7:44

कोई कोईकीचेन येशूला जिन्‍दाङ चाला ओतान। ईन्‍सीनोङ सुङगीङ थेला रिक्‍लाङ द्वा माथुप्‍सुङ।

यूहन्‍ना 8:59

थेकी दोक सिरजीन थेबेकी दिला सेताराङ फाप्‍क्‍यो सिन दो तुकीन थेला देक्‍पा चाल्‍सुङ। तर थे ईप्‍कीन परमेश्‍वर मन्‍दिरदुई थेन्‍गीन गाल्‍सुङ।