मत्ती 12:10 - जिरेल

¹⁰ थेरू लाक्‍पाज्‍यीक काम्‍गीन थे लाक्‍पा चलेराङ खिता मुथुप्‍च्‍या गालाते मिज्‍यीगोङ ओतान। सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात येशूकी माङेन्‍सीन थेकी गल्‍ती खासुङ सिराप सिन फरिसी पाटी मिओनगी थेला “थरिङ सुइँदा मिला ठाक्‍पा खाला तेरा परमेश्‍वर नियमताङ डिगीताना मिडिक्‍ते?” सिन सासुङ।

मत्ती 12:10 ပူးပေါင်းရင်းမြစ်များ

मत्ती 12:2

थोक खिता थोङगीन फरिसी पाटी मिओनगी येशूला “च्‍यि खुई खोरोङ चेलाओनगी ठे ङिमा ज्‍युरा माथोङसुङ? परमेश्‍वर नियमलानी सन्‍चारी छोमु छ्याःङ काम खिता मेङगो सिन साबा ओत मेन?” सिन ङारसुङ।

मत्ती 19:3

थेमे कोई कोई फरिसी पाटी मिओन येशू ओत्‍सादु वाकीन थे सेम तेइनकामा “सुइँदेकी खइँदा बातला मन परे माक्‍यासीन फेम्‍मेतेला तोङा परमेश्‍वर नियमताङ डिगीताना मिडिक्‍ते?” सिन सासुङ।

मर्कूस 3:2

थेरू वाबाते कोई कोई मिचेन येशूकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत, था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन थे गल्‍ती तेन्‍दाप सिन विचार खाईन देता ओतान।

लूका 13:14

थे फेम्‍मे मिला ठाक्‍पा खानामेई येशूकी सन्‍चारी छोमु काम खासुङ सिन थे मिटिङ खित्‍च्‍येते खाम्‍बे छ्येते मि थेत्ताङ आउदी खाईन स्‍येदाङ खासुङ। थोगी थेकी थेरू ओताते मिओनला “हप्‍ताला ङीमा ठुक काम खिता ओङगो। थरिङचेन काम खिता मेङगो सिन ख्‍योकोन गाङेला छ्याराङ ओत। थोगी ख्‍योकोन सुइँदा ठाक्‍पा खाला नाङ सिरा फाप्‍च्‍या ओत्‍सीन ज्‍येन दिनला ओङच्‍येते खि, सन्‍चारी छोमु मेन,” सिन सिरजीन

लूका 20:22

थोगी ङ्योकोन गुरू खोल्‍ला बातज्‍यीक ठामीन। ङुरूङगी रोमी गेल्‍बोला तिरो ज्‍येला परमेश्‍वर नियमताङ डिगीताना मिडिक्‍ते?” सिन सासुङ।

लूका 23:14

थेमे थेकी थेबा गाङेला “ख्‍योकोनगी दि मिकी दि खोरोङ बात लाप्‍कीन खेराङ जातकी मिला उल्‍के खित च्‍युत्‍सुङ सिन ङा ओत्‍सादु खुलाबा ओतान। ख्‍योकोनगी साबाच्‍योक दिकी खाबाते ईन्‍दाकाना मेन्‍दाका सिन ख्‍योकोन दोन्‍दुराङ ङे दिला ठिबाप। ठिजीन ङेनी दिकी छ्याःङ गल्‍ती खाबा माथोङसुङ।

लूका 23:2

थेरू क्‍याल्‍नामेकी थेबेकी येशूला ईनराङ मेन्‍दाते दोष लै खिनकामा पिलातसला “दिकी ङ्योकोन जातकी मिला लुकीन थे खोरोङ छ्य्‌वापा लै खित च्‍युत्‍सुङ। रोमी गेल्‍बोला ज्‍येला फाप्‍च्‍येते तिरोङ ज्‍येला माफाबोत्‍लो। दोस्‍यिककामा मेन, दिकी दि खोरोङराङ परमेश्‍वरगी तोङगो साबाते ख्रीष्‍ट ईनलो। थोगी दिराङ गेल्‍बो ईनलो,” सिन सासुङ।

यूहन्‍ना 5:10

थे मिला थोङगीन यहूदीओनते छ्ये छ्ये मिकी “ए थरिङ सन्‍चारी ईन सिन खोल्‍ला छ्या मेत? परमेश्‍वर नियमला सन्‍चारी छोमु छ्याःङ काम खिता मेङगो सिन साबा ओतेकी खुई दोक खाला दिङच्‍या खोन्‍च्‍या खुरला ख्‍याम्‍बा मेङगो,” सिन सिदुक।

यूहन्‍ना 5:3

थे पाटीदु नाबाते मि थुप्रो गुला देत्‍कीन ओतान। थेबाचेन अन्‍धतेबा, कुज्‍येतेबा थेमे लाक्‍पा काम्‍बा चले मिक्‍किकान्‍तेबा ओतान। थेबा गाङेराङ थे पोखरी छ्यु नाम चले खिका सिन गुलाराङ देत्‍कीन ओतान।

यूहन्‍ना 7:23

मोशेकी टिबाते परमेश्‍वर नियम ङेन्‍दाला सन्‍चारी छोमुङ ख्‍योकोन थे चिनु जोइदुक सासीन सन्‍चारी छोमु ङे मिज्‍यीकला पूरो खाईन ठाक्‍पा खाबा थोङजीनचेन ख्‍योकोन च्‍यिला ङात्ताङ स्‍येदाङ खिते?

यूहन्‍ना 8:6

थेकी खाबाते बातला खइँदा गल्‍ती तेन्‍ला थेकी गल्‍ती खासुङ सिराप सिन थेबेकी थोक साबा ओतान। थेबेकी थोक सानामेई येशूचेन खुङ खुगीन लाक्‍पे जुकी साला टिक्‍पाला स्‍यूसुङ।

यूहन्‍ना 9:16

थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।