मत्ती 11:28 - जिरेल

²⁸ पीरताङ दुक्‍पेकी खित्‍सादु स्‍याप खाबाते मिवे, ख्‍योकोन ङा ओत्‍सादु स्‍योक। ङा ख्‍योकोनला ढुक्‍क खाला देत ज्‍युत्‍क्‍यो।

मत्ती 11:28 ပူးပေါင်းရင်းမြစ်များ

मत्ती 11:29

ङा ख्‍योकोनताङ स्‍येदाङ मिक्‍किओ, दुक्‍पाङ मेतेरो। लाङ दुल्‍जीन लाबाते लाङताङ गारला मोबाच्‍योक खाला ख्‍योकोनोङ ङे साबाते ङेन्‍ला ङे खाबाच्‍योक खि। थोक खासीन ख्‍योकोन छ्याःङ पीर मिक्‍किता खाला देता ङेत्‍क्‍यो।

मत्ती 23:4

थेबेकी ज्‍येनलाचेन स्‍यिच्‍या खाईन खुर्बु कुरा च्‍योकराङ खाला दि खि, थे खि सिन परी परी नियम ङेन्‍दा फाप्‍क्‍यो खिदुक। मिओनगी थोक खिता थुप्‍कीता मुथुप्‍ता सिन थेबेकी छ्याःङ विचार मिक्‍किदुक।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 7:37

थे चाडगीते गाङे भन्‍दा तिरी छोमुचेन छ्येते दिन सिन माने खिन ओतान। थेमे थे छोमुराङ लाकीन देत्‍कीन येशूकी गाङेकी थोच्‍या खाईन “सुइँदाला कोम्‍बा लाबा ओत्‍सीन ङा ओत्‍सादु वाला च्‍याला थुङ।

शक्ति काम 15:10

था परमेश्‍वरगीराङ दोक खानामेकी ख्‍योकोनचेन च्‍यिला परमेश्‍वर भन्‍दाङ छ्ये ओङला थेबाला मोशेकी टिबाते परमेश्‍वर नियम ङेन्‍दा फाप्‍क्‍यो सिते? दोक खाला ख्‍योकोन च्‍यिला खुरा मुथुप्‍च्‍येते खुर्बु कुराच्‍योक खाला ङुरूङ ज्‍युज्‍यु पुर्खाताङ ङुरूङगी ङेन्‍दा माथुपाते नियम थेबाला ङेन ज्‍युता छोल्‍गीते?

शक्ति काम 20:35

थेमे ङुरूङगी दाक्‍पोन जीउ स्‍वाप्‍लाकामा मेन, दुक्‍पा ङेतातेबाला ताप्‍लाङ दुक्‍पा खाला काम खिता फाप्‍च्‍याक्‍वा सिन ङे ख्‍योकोनला तेन्‍गीन बिन्‍दा ओत। जे काम खित्‍जीनोङ ङुरूङगी ‘ज्‍येनगीते लिन्‍दा भन्‍दा बरू ज्‍येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्‍येता मेङगो,” सिन बात खासुङ।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

२ थिस्‍सलोनिकी 1:7

थरिङोला दुक्‍पा भोगे खिन ओताते ख्‍योकोनलाचेन ङ्योकोनताङराङ था तिरी थेकी गाङे पीरताङ दुक्‍पादुकी टाल्‍ला लेमु खिओ। था चुक ओङगीते सासीन प्रभु येशू छ्येज्‍यीक शक्ति ओताते थे खोरोङ दूतओनताङ ज्‍यीबा लाङच्‍या मे ज्‍वाले नाङ देत्‍ला गाङेकी थोङच्‍या खाला स्‍वर्गनेकी ग्‍युरला वाला

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

छ्या स्‍ये च्‍युताते बात 22:17

थेमे परमेश्‍वर आत्‍माताङ लुई रीउ बेउलीकीचेन “लो स्‍योक, होत्ता स्‍योक,” सिन सिदुक। दि बात थोकान्‍ते मिबरी गाङेकी “लो होत्ता स्‍योक,” सिन सि। सुइँदाला कोम्‍बा लाबा ओत्‍सीन परमेश्‍वर दोन्‍दु स्‍योक। दोक खाला परमेश्‍वरगी तेरच्‍येते छ्यु थुङा सेम खाला थे दोन्‍दु ओङकान गाङेकी छ्याःङ मेज्‍येला खाला नोमुङ मिसिन्‍च्‍येते जुनी ङेत्‍च्‍येते छ्यु थुङा ङेत्‍क्‍यो।