मत्ती 11:25 - जिरेल

²⁵ थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 11:25 ပူးပေါင်းရင်းမြစ်များ

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 21:16

थेमे थेबेकी येशूला “दि फिजाओनगी दोक खाला छेरा खाला खाला खोल्‍ला च्‍यि सिन दुका, खुई मोथोदुक?” सिन सिदुक। थोक सिरजीन थेकी “थोसुङ थोसुङ, थेबेकी साबाते ङे लेमु खाईन थोसुङ। च्‍यि ख्‍योकोनगी परमेश्‍वर बातला टिबाते दि बात नोमुङ पढे खाबा मेतरो? थेरूचेन ‘टेक्‍टेतेन्‍दे फिजाताङ नुमा थुङकान्‍तेबा समेतकीङ परमेश्‍वर खुईते जय जय ओङस्‍यीत सिन खोल्‍ला छ्ये जोइओ। खुईराङ थेबाला थोक खित ज्‍युत्‍च्‍येते ईन,’ सिन साबा ओत,” सिन सिदुक।

लूका 22:42

थेमे खोबुकला देत्‍कीन “आबा, खुई ओङगो सासीन ङे दि दुक्‍पा भोगे खिता माफाप्‍सीन ओङच्‍या ओतान। ईन्‍सीनोङ ङे थोक माक्‍याबाला मेङगो सासीन ङे साबाच्‍योक मेन्‍दाला आबा खुई साबा च्‍योकराङ ओङस्‍यीत,” सिन प्रार्थना खासुङ।

लूका 23:34

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 12:27

थाल्‍ला ङाला आउदी पीर लाला दुक। थेमे च्‍यि ङे ‘आबा, ङाला दोक दुक्‍पा ओङ माज्‍युत,’ सिन सिरच्‍या? अहँ, मेन। दोक खाला दुक्‍पा भोगे खितालाराङ ङा दुरू वाबाते ईन।

यूहन्‍ना 12:28

आबा, खो खोरोङ चुक छ्ये ईन्‍दे सिन मिओनला तेन्‍ला बिन,” सिन सिदुक। थेकी थोक सानामेकी परमेश्‍वरगी स्‍वर्गनेकी “ङे ङाराङ चुक छ्ये ईन्‍दे सिन गोमाका तेन्‍गीन बिन्‍दा ओत। थेमे था लोक्‍लाङ ङा तेन्‍ग्‍यो,” सिन सिदुक।

शक्ति काम 17:24

थेचेन सा नाम थेमे दि पृथ्‍वीदु ओताते जति जेसुकै जोकान्‍ते परमेश्‍वर ईन। स्‍वर्गने थेमे पृथ्‍वीदु गाङेपा राज्‍य खित्‍कान्‍ते थेराङ ईन। थोगी थेनी मिओनगी जोबाते मन्‍दिर नाङला मेदेदो।

१ कोरिन्‍थी 2:10

परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

२ कोरिन्‍थी 3:14

थेजीन इस्राएलीओन छ्याःङ मोखोच्‍या गाला ओतान। थेबा थोरूमोङ थोकराङ ओतेकी मोशेकी टिबाते परमेश्‍वर नियम पढे खित्‍जीन थेबेकी छ्याःङ मोखोदुक। ख्रीष्‍टकी छ्य्‌वापेईकामा थे बात लेमु खाला खोबा थुप्‍क्‍यो।