मत्ती 11:18 - जिरेल

¹⁸ बात च्‍यि सासीन यूहन्‍नेकी छ्याङ रक्‍सी सिराते बान्‍दा माथुसुङ। थेमे बर्तङ देत्‍सुङ। तर ख्‍योकोन गाङेकी थेला ल्‍हन्‍डीक खोबाते मि दुका सिन सासुङ।

मत्ती 11:18 ပူးပေါင်းရင်းမြစ်များ

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 11:17

थेबाचेन खोपरोङ खोपरोङ नाङराङ मिडिगो। थेबा लाला लालेकी ज्‍येनतेबाला ‘ङ्योकोनगी बाक चे सिन लु लाला बाजा फुला खित्‍जीनोङ ख्‍योकोन च्‍यिला टेरेराङ मिक्‍किता खाला देत्‍कीते? थेमे ख्‍योकोनगीङ दुङाल खि सिन ङ्योकोन दुङाल खित्‍जुम खित्‍जीनोङ ख्‍योकोनचेन च्‍यिला खाराक्‍पाराङ देत्‍कीते?’ सिन सिओ।

मत्ती 3:4

यूहन्‍नेकी ऊँटकी पुज्‍येकी ल्‍हाबाते खोलाक खोन्‍दा ओतान। थेमे कोक्‍तेन पेटी च्‍यिबा ओतान। थेकी छ्युच्‍युपेताङ ठाःगी राङ सेइन ओतान।

मत्ती 9:34

तर थेरू ओताते फरिसी पाटी मिओनगीचेन “दि छ्याःङ अचम्‍बते बात मेन। ल्‍हन्‍डीक गेल्‍बो शैतानताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सिदुक।

मर्कूस 3:22

यरूशलेमनेकी कोई कोई धर्मे गुरूङ थेरू वाबा ओतान। थेबेकीचेन “दिला ल्‍हन्‍डीक गेल्‍बो बालजिबुल खोदुक। होथेत्ताङ डिक्‍लाका दिकी थे शक्तिकीराङ ल्‍हन्‍डीक तेन्‍ला तोङच्‍येते ईन,” सिन सासुङ।

लूका 1:15

च्‍यिला सासीन प्रभु परमेश्‍वरगी थेला छ्येज्‍यीक काम खित ज्‍युत्‍क्‍यो। थेकी छ्याङ रक्‍सी सिराते नोमुङ थुङा मेङगो। थे केजीनमेईराङ परमेश्‍वर आत्‍मेकी खाङाते मि ओङगो।

यूहन्‍ना 10:20

थेबे नाङ काल्‍बा च्‍योक्‍तेकी “दिचेन ल्‍हन्‍डीक खोकीन ङ्योबाते ईन। ख्‍योकोन दि बात च्‍यिला ङेन्‍गीते?” सिन सासुङ।

यूहन्‍ना 7:20

थेकी दोक सिरजीन थेरू ओताते मिओनगी “खोल्‍ला ल्‍हन्‍डीक खोला दुक। खोल्‍ला सुई सेता छोल्‍गीका?” सिन सिदुक।

यूहन्‍ना 8:48

थेमे यहूदीओनगी थेला “ङ्योकोनगी खोल्‍ला खो सामरी ईन थेमे खोल्‍ला ल्‍हन्‍डीक खोला दुक साबाते बात पक्‍काराङ मेन्‍दाक्‍वा ओना?” सिन सिदुक।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

शक्ति काम 26:24

पावल दोक खाला बात खिन खिनला किल्‍दुराङ हाकिम फेस्‍तसकी गाङेकी थोच्‍या खाईन “पावल, खो लेम्‍बे बात माकेत। खोनी काल्‍बा बात छ्या स्‍येच्‍या गाल्‍गीन ङ्योकीन सिन्‍दुक,” सिन सासुङ।

१ कोरिन्‍थी 9:27

ङाराङला जति दुक्‍पा ओङसीनोङ ङा ङाराङला खिता सेम लाबा लाबा मिक्‍किओ। ङे थोक खासीन ङाराङगी ज्‍येनला दोक खिता फाप्‍क्‍यो, थोक खिता फाप्‍क्‍यो सिन लाप्‍सीनोङ ङा ङाराङराङ होथोक खिता मुथुप्‍कान्‍ते च्‍योक ओङला ङे छ्याःङ इनाम मेङेदो।