मत्ती 11:10 - जिरेल

¹⁰ च्‍यिला सासीन ख्रीष्‍टला देमा तोङच्‍येते बात खिन परमेश्‍वरगी परमेश्‍वर बातला ‘खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,’ सिन साबा ओतान। परमेश्‍वरगी ख्रीष्‍टला तोङा भन्‍दा गोमा तोङगो साबाते मिचेन यूहन्‍नाराङ ईन।

मत्ती 11:10 ပူးပေါင်းရင်းမြစ်များ

मत्ती 11:11

थोगी बप्‍तिस्‍मा तेरकान्‍ते यूहन्‍नाचेन दि सा लुङबादु ओताते मिओन नाङ छ्येते ईन। थातासाक थे छेत छ्ये मि सुङ केबा मेत। तर था स्‍वर्गे राज्‍य बातराङ खिइ सासीनचेन बात खुदुकराङ ईन। यूहन्‍ना थोक छ्ये ईन्‍सीनोङ स्‍वर्गे राज्‍यदु स्‍यूबाते मिओन छेत छ्ये मेन। थेबा गाङे यूहन्‍ना भन्‍दाङ छ्ये ईन।

मत्ती 3:3

तिरी मिज्‍यीक वाला री नाङला थोक खाला बात खिओ सिन परमेश्‍वर बात खित्‍कान्‍ते यशैयेकी थाङबोका दोक सिन साबा ओतान। चुक सासीन “रीला मिज्‍यीगी छेरा खिनकामा ‘था प्रभु परमेश्‍वर दुरू ओङे बेला लेप्‍सुङ। थोगी मिवे, थे ओङगो सिन लेमु खाला लाम जो। थे ख्‍याम्‍बाला लाम सम्‍म जो सिन सिओ,’ सिन सिओ,” सिन टिबा ओतान। यशैयेकी थोक खिताला ओङगो साबाते मिचेन यूहन्‍नाराङ ओतान।

मर्कूस 1:2

दि गा लाङच्‍येते बातचेन परमेश्‍वर बात खित्‍कान्‍ते यशैयेकी टिबा ओता च्‍योकराङ खाईन शुरू ओङसुङ। येशू ख्रीष्‍ट ओङजीन चुक ओङगीते सिन परमेश्‍वरगी साबाते बात यशैयेकी दोक सिन टिबा ओतान। चुक सासीन “खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,” सिन टिबा ओतान।

लूका 1:76

थेमे दि ङे फुज्‍युङलाचेन गाङे भन्‍दा छ्येते परमेश्‍वरगी थे खोरोङ बात खित्‍कान्‍ते मि ईन सिन सिओ। च्‍यिला सासीन था दिकीराङ प्रभु परमेश्‍वर ओङगो सिन मिओनला लाप्‍ला बिन्‍ला थे ओङाला जेसुकै ठीक खिओ।

यूहन्‍ना 1:23

थेमे थेकी “परमेश्‍वर बात खित्‍कान्‍ते यशैयेकी ‘रीला मिज्‍यीगी छेरा खिनकामा मिवे, था प्रभु परमेश्‍वर ओङे बेला लेप्‍सुङ सिन थे ख्‍याम्‍बाला लाम सम्‍म जो सिन सिरकान्‍ते मिज्‍यीक ओङगो,’ सिन साबा ओतानना, ङाचेन होथेराङ ईन,” सिन सासुङ।