मत्ती 11:1 - जिरेल

¹ थे खोरोङ चेलातेबा च्‍युन्‍ङीला थेबेकी चुक चुक खिता फाप्‍कीते सिन साकीन थेरूई ताङनामेई येशू गालील अञ्‍चल सार सारगी मिओनला गा लाङच्‍येते बात च्‍यि ईन्‍दे सिन लोपाला गाल्‍सुङ।

मत्ती 11:1 ပူးပေါင်းရင်းမြစ်များ

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 7:28

येशूकी दि बाततेबा लाप्‍कीन सिन्‍नामेकी थेरू ओताते मि गाङे छक्‍क परे खासुङ।

मत्ती 9:35

दोक खाला येशूचेन युल युलला, सार सारला गाङेपा युगीन थेङला ओताते मिटिङ खित्‍च्‍येते खाम्‍बे नाङला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मर्कूस 6:12

थेरूई थे चेलाओनगी गाङेपा युगीनकामा मिओनला खोपरोङ पापी दुका सिन छ्या स्‍येला परमेश्‍वर छ्य्‌वापा लै खि सिन गा लाङच्‍येते बात लाप्‍सुङ।

लूका 23:5

थेकी येशूकी छ्याःङ गल्‍ती खाबा माथोङसुङ सिन सिरजीन थेबेकी “च्‍यिला मेन्‍दे? दिकीनी ङ्योकोन जातकी मि गाङेला दि खोरोङ बात लाप्‍कीन उल्‍के खाईन सिन्‍सुङ। गालील अञ्‍चलदुकी दि खोरोङ बात लोपाला शुरू खाईन यहूदिये अञ्‍चल खाङ युगीन दि दिस्‍साक ख्‍योल्‍गीन सिन्‍सुङ,” सिनकामा छेरा खिताला स्‍यूसुङ।

लूका 8:1

दोक ओङाते टिक्‍पी तिरी येशू युलगी नाङला सारगी नाङला गाङेपा युगीन परमेश्‍वर राज्‍य गा लाङच्‍येते बात मिओनला लोप्‍कीन ख्‍याम्‍सुङ। थे खोरोङ चेला च्‍युन्‍ङीङ थेत्ताङ ङ्योम्‍बुराङ ओतान।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

शक्ति काम 1:2

नामसाक बात सासीन थे खोरोङगी खटे खाबाते मिओनला था च्‍यि च्‍यि खिता फाप्‍कीते सिन परमेश्‍वर आत्‍मे छ्य्‌वापेई लाप्‍कीन बिन्‍नामेई परमेश्‍वरगी थे खोरोङला स्‍वर्गने खेरे छोमुसाक बाततेबा ङे थे किताबलाराङ टिबा ओत।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 10:42

थेमे थेकी ङ्योकोनला ‘गाल्‍ला यहूदीओनला गा लाङच्‍येते बात लोप। स्‍याप्‍तेबा थेमे सोम्‍बोराङ ओतातेबा मि गाङेला तिरी न्‍याय खितालाचेन परमेश्‍वरगी थे खोरोङलाराङ छाने खाबा ओत सि,’ सिन कोत्‍सुङ।

१ थिस्‍सलोनिकी 4:2

प्रभु येशूकी ङ्योकोनला बिन्‍दाते अधिकार चले खाईन ङ्योकोनगी ख्‍योकोनला चुक चुक खिता फाप्‍कीते सिन लापा ओताने सिन ख्‍योकोनला छ्याराङ ओत।

२ थिस्‍सलोनिकी 3:10

सुइँदा मि काम मिक्‍किता खाला देत्‍कीदुक सासीन थोक्‍तेला साप तेराराङ मेङगो सिन ङ्योकोनगी ख्‍योकोनताङ ङ्योम्‍बु ओत्‍जीनराङ साबा ओतान मेनरो?

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

१ तिमोथी 6:14

च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।