मत्ती 10:41 - जिरेल

⁴¹ थेमे दि मि परमेश्‍वर बात खित्‍कान्‍ते दुका सिन छ्या स्‍येला थेला लेमु खित्‍कान्‍ते मिला परमेश्‍वरगी थे खोरोङ बात खित्‍कान्‍ते मिला जे तेरगीदुक थेलाङ थेराङ तेरग्‍यो। थोकराङ खाला परमेश्‍वरगी खि साबा साबाच्‍योक खित्‍कान्‍ते मिला लेमु खित्‍कान्‍ते मिकीङ परमेश्‍वरगी खि साबा साबाच्‍योक खित्‍कान्‍ते मिकी च्‍यि ङेत्‍कीका थेराङ ङेत्‍क्‍यो।

मत्ती 10:41 ပူးပေါင်းရင်းမြစ်များ

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 25:44

थोक सिरजीन थेबेकीङ थे गेल्‍बोला थे खोरोङ सामे छ्य्‌वापा ज्‍याक्‍पाते मिओनगी साबा च्‍योकराङ सिनकामा ‘प्रभु, ङ्योकोनगी खो नाम तुक्‍पाराङ देताते कि कोम्‍बा खाबाते थोङा ओताने? थेमे खो नाम मि लुङबे मि च्‍योक खाईन कि पेर्दुङबाराङ देता ओताने? थोकराङ खाईन खो नाम नाबाते कि जेलदु देताते थोङगीनोङ ङ्योकोनगी खोल्‍ला छ्याःङ खाबा मेताने?’ सिन सिओ।

मत्ती 25:45

थेमे थेकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु माक्‍याबाते ङालाराङ लेमु माक्‍याबाते ईन। होथोक्‍ते मि दोक्‍पोईलाकामा ईन्‍सीनोङ ख्‍योकोनगी लेमु माक्‍याबातेङ ङालाराङ लेमु माक्‍याबाते ईन,’ सिन सिओ।

मत्ती 6:1

थेमे ज्‍येन बात च्‍यि सासीन परमेश्‍वरगी खि साबा साबाच्‍योक खित्‍जीन ख्‍योकोनगी मिओनगी थोङला खेराङला धर्मतीते मि दुका सिरस्‍यीत सिरच्‍येते सेमगी माकेत। थोक खासीन स्‍वर्गने देत्‍कान्‍ते ख्‍योकोन आबा परमेश्‍वरगी ख्‍योकोनला छ्याःङ इनाम मेतेरो।

मत्ती 6:18

दोक खासीन सुङगीङ छ्या मेस्‍येच्‍या खाईन बर्त देत्‍सीनोङ मि मिगी थोङा मुथुप्‍च्‍येते ख्‍योकोन आबा परमेश्‍वरगीचेन थे बात छ्या स्‍येला ख्‍योकोनला इनाम तेरग्‍यो।

मत्ती 6:4

थोक खासीन सुङगीङ छ्या मेस्‍येच्‍या खाईन खाबाते काम थोङकान्‍ते ख्‍योकोन आबा परमेश्‍वरगी ख्‍योकोनगी चुक खासुङा थोङला ख्‍योकोनला इनाम तेरग्‍यो।

मत्ती 6:6

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मत्ती 7:8

च्‍यिला सासीन नाङ खित्‍कान गाङेला थेकी तेरग्‍यो। छोल्‍कान गाङेकी ङेत्‍क्‍यो। थोकराङ खाला गो पेत्‍ला नाङ सिरकान्‍तेबालाङ परमेश्‍वरगी नाङने स्‍योक सिओ।

शक्ति काम 16:15

थेमे थे फेम्‍मे मित्ताङ थे खाम्‍बादु देत्‍कान्‍ते गाङेकी बप्‍तिस्‍मा लासुङ। थोक खानामेई थे फेम्‍मे मिकी “ङे पक्‍काराङ प्रभु येशूला विश्‍वास खिताला स्‍यूबाते ईन सिन ख्‍योकोन पत्ते खिओ सासीन ङे खाम्‍बापा देताला डुइ,” सिन ढिपी खाईन ङ्योकोनला थे मोरोङ खाँपा खेरसुङ।

रोमी 16:23

थेमे गायसतेङ ख्‍योकोनला नमस्‍ते ओत्‍लो। ङा पावल थे खाम्‍बादुराङ डोम्‍बो ओङगीन देता ओत। देङला ओताते येशू ख्रीष्‍ट मिओन दि खाम्‍बादुराङ जम्‍मा ओङगीदुक। थेमे इरास्‍तसतेङ ख्‍योकोनला नमस्‍ते ओत्‍लो। थेचेन दि सारदु च्‍यि च्‍यि खिता फाप्‍च्‍या दुका, थोई खर्च लै खित्‍च्‍या दुका सिन ताकान्‍ते मि ईन। थोकराङ खाला ङुरूङ न्‍वा क्‍वार्टसतेङ ख्‍योकोनला नमस्‍ते ओत्‍लो।

१ कोरिन्‍थी 9:17

थेमे दि काम ङाराङ खुशीकी खाबाते ईन्‍सीन तिरी ङे खइँदा इनाम ङेत्‍च्‍या ओतान। तर परमेश्‍वरगीराङ ङाला दि बात लोप्‍च्‍येते जिम्‍मा बिन्‍देकी ङा दि काम खिन ओत।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

२ यूहन्‍ना 1:8

थोक्‍ते मिओनताङ च्‍याङबो खाला देत। खेराङगी दुक्‍पा खाबाते थाराङ खेरो मोन्‍डोस्‍यीत बरू परमेश्‍वरगी खेराङला तेरग्‍यो साबाते इनाम जति गाङे ङेता थुप्‍स्‍यीत सिन थोरूमसाक खिन ओता च्‍योकराङ खिन देता मातोङ।