मत्ती 10:40 - जिरेल

⁴⁰ थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

मत्ती 10:40 ပူးပေါင်းရင်းမြစ်များ

मत्ती 18:5

खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन।

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

मत्ती 25:45

थेमे थेकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु माक्‍याबाते ङालाराङ लेमु माक्‍याबाते ईन। होथोक्‍ते मि दोक्‍पोईलाकामा ईन्‍सीनोङ ख्‍योकोनगी लेमु माक्‍याबातेङ ङालाराङ लेमु माक्‍याबाते ईन,’ सिन सिओ।

मर्कूस 9:37

“लो दि फिजाला तो। खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङालाकामा मेन, ङाला दुरू तोङकान्‍तेलाङ मान खाबाते ईन,” सिन सिदुक।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

२ कोरिन्‍थी 5:20

थोगी ङेराङला जिम्‍मा बिन्‍दाते काम खिताला ङ्योकोन ख्रीष्‍टकी ताङाते मि ईन। मिओनला परमेश्‍वरताङ डिक्‍च्‍येते सेम खि सिन बात खित्‍कान्‍ते ङ्योकोन ईन्‍सीनोङ परमेश्‍वर थे खोरोङगीराङ ङ्योकोन छ्य्‌वापेकी मि गाङेताङ दि बात खित्‍च्‍येते ईन। ख्रीष्‍टकी छ्य्‌वापेई ङ्योकोन ख्‍योकोनला परमेश्‍वरताङ डिक्‍च्‍येते सेम खि सिन सिओ।

गलाती 4:14

थेजीन ङा थोक खाईन नाबा ओत्‍सीनोङ ख्‍योकोनगी ङाला छ्यि चुक मेलेबा खाईन नाला दुका सिराच्‍योक माक्‍यासुङ, ङिङमारोङ माक्‍यासुङ। बरू ख्‍योकोनगीनी खेराङ दोन्‍दु परमेश्‍वर दूत वाबा च्‍योकराङ खाईन ङाला लेमु खाबा ओतान। दूत छेतकामा मेन, येशू ख्रीष्‍ट थे खोरोङराङ ख्‍योकोन ओत्‍सादु वाबा छेत खाईन ङाला मान खाबा ओतान।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।