मत्ती 10:4 - जिरेल

⁴ देशभक्त सिराते पाटी मि शिमोन थेमे तिरी थे खोरोङला धोका तेरकान्‍ते यहूदा इस्‍करियोत ओतान।

मत्ती 10:4 ပူးပေါင်းရင်းမြစ်များ

मत्ती 26:14

थेमे येशू चेला च्‍युन्‍ङी नाङ यहूदा इस्‍करियोत सिराते छ्ये छ्ये पूजारी ओत्‍सादु गाल्‍सुङ।

मत्ती 26:15

थेमे थेकी थेबाला “ङे येशूला ख्‍योकोन लाःक्‍तु सोम्‍पे खासीन ख्‍योकोन ङाला च्‍यि तेरगीते?” सिन बात खासुङ। थोक खासीन थेला चाँदी डबल खालज्‍यीकताङ च्‍युताम्‍बा तेरग्‍यो सिन बात डिक्‍पा खाईन थेबेकी थोस्‍यिक पैसाङ बिन्‍सुङ।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मत्ती 26:47

दि बात खिन खिनलाराङ थे खोरोङ चेला च्‍युन्‍ङी नाङ यहूदाचेन तरवार जेरातेताङ फेर्का खुराते मि काल्‍बेई टीकीन थेबे गोमा गोमा थेरू ख्‍योल्‍सुङ। थेत्ताङ ओताते मिओनला छ्ये छ्ये पूजारीताङ यहूदीओन छ्ये छ्ये मिकी ताङा ओतान।

मत्ती 27:3

येशूला सेत्‍च्‍या ओङदुक्‍लो सिन थेला धोका तेरकान्‍ते यहूदेकीङ थोसुङ। थेमे थेकी ओहो, ङेनी आउदी मेलेबा कामका खाबाक्‍वा सिन गोमा थे खोरोङगी लाबाते चाँदी डबल खालज्‍यीकताङ च्‍युताम्‍बा खुरगीन छ्ये छ्ये पूजारीताङ यहूदीओन छ्ये छ्ये मिलाराङ ग्‍युरला तेराला थेबा ओत्‍सादु ख्‍योल्‍सुङ।

मर्कूस 14:10

थेमे येशू चेला च्‍युन्‍ङी नाङ यहूदा इस्‍करियोत छ्ये छ्ये पूजारी ओत्‍सादु गाल्‍सुङ। थेमे येशूला थेबे लाःक्‍तु सोम्‍पे खिता थुप्‍क्‍यो सिन बात खासुङ।

मर्कूस 14:43

दि बात खिन खिनलाराङ थे खोरोङ चेला च्‍युन्‍ङी नाङ यहूदाचेन तरवार जेरातेताङ फेर्का खुराते हूलज्‍यीक मि टीकीन थेबे गोमा गोमा थेरू ख्‍योल्‍सुङ। थेत्ताङ ओताते मिओनला छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मिकी ताङा ओतान।

लूका 22:3

थेमे येशू चेला च्‍युन्‍ङी नाङ यहूदा इस्‍करियोत सिराते सेमगी नाङ शैतान स्‍यूसुङ।

लूका 22:47

दि बात खिन खिनलाराङ थेरू हूलज्‍यीक मि ख्‍योल्‍सुङ। थे खोरोङ चेला च्‍युन्‍ङी नाङ यहूदा सिराते थेबे गोमा गोमा ओतान। थेकीराङ थे मिओनला थेरू टीकीन खुलाबा ओतान। थेचेन थेबे गोमा गोमा ख्‍याम्‍बा ओतान। येशूला पुक खिताप सिन थे थे खादु गाल्‍सुङ।

यूहन्‍ना 13:2

थे छोमु ग्‍वासे येशू थे खोरोङ चेलातेबाताङ साप साप्‍ला स्‍यूबा ओतान। थेमे शैतानगीचेन येशूला चुक खाला धोका तेरा फाप्‍कीते सिन शिमोन फुज्‍युङ यहूदा इस्‍करियोत सेमगी नाङ लाप्‍कीन बिन्‍गीन सिन्‍दा ओतान।

यूहन्‍ना 6:64

दोक ईन्‍सीनोङ ख्‍योकोन नाङ कोई कोई ङाला विश्‍वास मिक्‍किकानोङ ओत,” सिन सिदुक। सु सुकी थे खोरोङला विश्‍वास मिक्‍किते थेमे सुई थेला धोका तेरगीते सिन थेला शुरूमेईराङ छ्या ओत्‍कीन ओतान।

यूहन्‍ना 6:71

दि बात थेकी शिमोन इस्‍करियोत फुज्‍युङ यहूदा इस्‍करियोत विषयला साबा ओतान। थेङ येशूते चेला च्‍युन्‍ङी नाङ दोक्‍पोई ईन्‍सीनोङ टिक्‍पी तिरी थेकी येशूला धोका तेराला ठीक खाबा ओतान।

शक्ति काम 1:13

थेपा ख्‍योल्‍नामेकी थेबा खोपरोङ देत्‍च्‍येते खाम्‍बादु स्‍यूकीन ताले लाकने गाल्‍सुङ। थेबाचेन पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयस फुज्‍युङ याकूब, देशभक्त सिराते पाटी मि शिमोन थेमे याकूब सिराते मि फुज्‍युङ यहूदा ओतान।