मत्ती 10:27 - जिरेल

²⁷ थेमे ङे नुप्‍ला खेराङकामा ओत्‍जीन लोप्‍कीन ओताते बात ज्‍येनलाङ लाप्‍ला बिन। थोकराङ खाला ङे खेराङलाकामा साबाते बातओन गाङेकी छ्या स्‍येस्‍यीत सिन थोच्‍या खाला लोप।

मत्ती 10:27 ပူးပေါင်းရင်းမြစ်များ

मत्ती 24:17

थेमे खाम्‍बे लाकने कौसीदु देता ओताते मिओन सम्‍पत्ति थेन्‍दाप सिन खाम्‍बे नाङ स्‍यूगीन मेदेता खाला फापे लोङोङ मेङेत्‍कीनकामा छ्योङा फाप्‍क्‍यो।

लूका 12:3

थोगी ख्‍योकोनगी दि बात छ्या स्‍येबा खि। च्‍यि सासीन नुप्‍ला खेराङकामा देत्‍कीन खाबाते बादोङ तिरी गाङेकी थोक्‍यो। थोकराङ खाला खाम्‍बे नाङ देत्‍जीन नामज्‍योकपा खाबाते बादोङ गाङेकी छ्या स्‍येस्‍यीत सिन थोच्‍या खाला लाःप्‍क्‍यो।

लूका 8:10

थोक सिन ठिजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो। थेबेकी परमेश्‍वरगी खिन ओताते काम थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात थोसीनोङ च्‍यि साबाते ईन्‍दे सिन छ्याःङ मोखोस्‍यीत सिनराङ ङा थेबाला कथालाकामा परमेश्‍वर बात लोप्‍क्‍यो, कथे अर्थचेन मालाःबो।

यूहन्‍ना 16:1

जस्‍तो दुक्‍पा ओङजीनोङ ख्‍योकोन ङे छ्य्‌वापेकी ठाल्‍ला मोन्‍डोस्‍यीत सिनराङ ङे ख्‍योकोनला दि गाङे बात साबाते ईन।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

यूहन्‍ना 16:25

थरिङसाक ङे ख्‍योकोनला दि गाङे बात सजिलो खाला खोबा मुथुप्‍च्‍या खाईन लापा ओत। दोक ईन्‍सीनोङ था समयज्‍यीक ओङगो। थेजीन ङा ख्‍योकोनला दोक खाला मेन्‍देकी आबे बात ङा ख्‍योकोनगी सजिलो खाला खोबा थुप्‍च्‍या खाला लाःप्‍क्‍यो।

यूहन्‍ना 16:29

दोक सानामेई चेलातेबेकी “था ईन्‍सीन गुरू खुई गोमा च्‍योक खाला मेन्‍देकी सजिलो खाला खोबा थुप्‍च्‍या खाला बात खिताला स्‍यूसुङ।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 5:20

“लो ग्‍युक, था ख्‍योकोनगी परमेश्‍वर मन्‍दिरपा गाल्‍ला येशूकी नोमुङ मिसिन्‍च्‍येते जुनी तेरग्‍यो सिरच्‍येते बात मिओनला लेमु खाला लोप,” सिन ताङसुङ।

शक्ति काम 5:28

“ख्‍योकोनला खरचिङकाराङ ङ्योकोनगी थे मि बात छ्याःङ सुङलाङ मालोप सिन कोता ओतान। तर ख्‍योकोनगीनी ङ्योकोनगी माकेत साबाते बातराङ खाईन यरूशलेम गाङे काङगीन सिन्‍दुक। दोस्‍यिककामा मेन, ख्‍योकोननी थेला सेत्‍कान्‍तेङ ङ्योकोनराङका ईन सिरा छोल्‍गीदुक,” सिन सिदुक।

२ कोरिन्‍थी 3:12

बात दोक दोक ईन्‍देकी ङ्योकोन ङेराङगी लोप्‍च्‍येते बात छ्याःङ ज्‍यीबा मिक्‍किता खाला खिओ।