मत्ती 10:26 - जिरेल

²⁶ थोक ईन्‍सीनोङ खेराङला मेलेबा खित्‍कान्‍तेबाताङ ज्‍यीबा माकेत। च्‍यिला सासीन ज्‍येनताङ छ्यागीन ईप्‍कीन खाबाते कामताङ बादोङ ङीमा लेनज्‍यीक गाङेकी छ्या स्‍येक्‍यो। थोकराङ खाला ब्‍वाकीन ज्‍याक्‍पाते बादोङ तिरी दाक छ्या स्‍येक्‍यो।

मत्ती 10:26 ပူးပေါင်းရင်းမြစ်များ

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

मर्कूस 4:22

बात च्‍यि सासीन थोरूमसाक ख्‍योकोनला छ्या स्‍ये माच्‍युताते बातबरी थाचेन परमेश्‍वरगी छ्या स्‍ये ज्‍युत्‍क्‍यो। थेमे थोरूमसाक माखोबाते बाततेबाङ खो ज्‍युत्‍क्‍यो।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

लूका 8:17

बात च्‍यि सासीन थोरूमसाक ख्‍योकोनला छ्या स्‍ये माच्‍युताते बातबरी थाचेन परमेश्‍वरगी छ्या स्‍ये ज्‍युत्‍क्‍यो। थेमे थोरूमसाक माखोबाते बाततेबाङ खो ज्‍युत्‍क्‍यो। दोक खिन ज्‍येनतेबेकीङ थे बात छ्या स्‍येकीन डुइओ।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 4:13

पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।

शक्ति काम 4:19

थोक सिरजीन पत्रुसताङ यूहन्‍नेकी थेबाला “ङ्योकोनगी परमेश्‍वरगी खि साबाते बात ङेन्‍च्‍याना ख्‍योकोन बात ङेन्‍च्‍ये? खाङ ठीक ईन्‍दे? लो ख्‍योकोनराङ सि।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।