मत्ती 10:20 - जिरेल

²⁰ च्‍यिला सासीन खेराङगी मेन्‍दाला थेजीन ख्‍योकोन आबा परमेश्‍वर आत्‍मा थे खोरोङगीराङ ख्‍योकोन खानापेई बात खिओ।

मत्ती 10:20 ပူးပေါင်းရင်းမြစ်များ

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

मर्कूस 12:36

च्‍यिला सासीन ख्रीष्‍टकी विषयला बात खित्‍जीन परमेश्‍वर आत्‍मे छ्य्‌वापेई गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

लूका 11:13

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

लूका 12:12

बात ठा बेलाला च्‍यि सिरा फाप्‍कीते सिन थेजीनराङ परमेश्‍वर आत्‍मेकी ख्‍योकोनला छ्या स्‍ये ज्‍युत्‍क्‍यो,” सिन सिदुक।

लूका 21:15

च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

शक्ति काम 13:9

शावललाचेन ग्रीक बातला पावल सिनोङ सिन ओतान। एलुमासकी थे हाकिमला येशूला विश्‍वास खित मुज्‍युता छोल्‍जीन पावलगी थेला ऊरीकामा ताकीन च्‍याकीन परमेश्‍वर आत्‍मे छ्य्‌वापेकी

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

शक्ति काम 28:25

थोक ओङगीन थेबे नाङ बात माडिक्‍सुङ। थेमे थेरूई थेबा लाकीन ड्वाप्‍ला स्‍यूसुङ। थेबा गाल मागाल्‍लाराङ थोरूमोङ बात खिन पावलगी थेबाला “थाङबो ख्‍योकोन ज्‍युज्‍यु पुर्खाला परमेश्‍वर आत्‍मेकी परमेश्‍वर बात खित्‍कान्‍ते यशैयाला सिर च्‍युताते बात ख्‍योकोनलाङ डिगीदुक। परमेश्‍वरगी साबाते बात थेला दोक सिन सिर च्‍युता ओतान।

शक्ति काम 4:8

थोक सिरजीन पत्रुसकी परमेश्‍वर आत्‍मे छ्य्‌वापेई थेबाला “गाङे छ्येवे,

शक्ति काम 6:10

तर परमेश्‍वर आत्‍मेकी स्‍तिफनसला आउदी बुद्धि बिन्‍दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्‍याला माथुप्‍सुङ।

२ कोरिन्‍थी 13:3

ख्‍योकोनगी ङे थाराङ बात खित्‍च्‍या ईन्‍दाकाना ख्रीष्‍टकी खित च्‍युताते बात खित्‍च्‍या ईन्‍दाका सिन था थेजीनराङ लेमु खाला छ्या स्‍येक्‍यो। ङे थोक खित्‍जीन ख्रीष्‍ट छ्याःङ खिता मुथुप्‍कान्‍ते मेन्‍दाक्‍वा बरू थेत्ताङ छ्येज्‍यीक शक्ति ओताक्‍वा सिनोङ ख्‍योकोनगी छ्या स्‍येक्‍यो।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

२ पत्रुस 1:21

थे बातओननी थे खोरोङ आत्‍मे छ्य्‌वापेई परमेश्‍वरगीराङ थेबाला सिर च्‍युताते ईन, मिओनगी खोपरोङ सेमला नोकीन खाबाते बात मेन।