19 थोक खाला खेराङला थेबे दोन्दु क्याल्नामेकी बात ठिजीन च्यि सिरच्ये, चुक सिरच्ये सिन ज्यीबा माकेत। थे बेलाला च्यि सिरा फाप्कीते सिन थेजीनराङ परमेश्वरगी ख्योकोनला छ्या स्ये ज्युत्क्यो।
दोस्यिककामा मेन, ख्योकोनला छ्ये छ्ये मि थेमे गेल्बोओन दोन्दुङ केल्ग्यो। ङे मि ईन्देकीराङ ख्योकोनला दोक दोक खिओ। थेजीन ख्योकोनगी होथेबाला थेमे ज्येन ज्येन जातकी मिलाङ खेराङ च्यिला ङाला विश्वास खिते सिन लाःपा ङेत्क्यो।
बात दोक ईन्देकी च्यि साच्ये, च्यि थुङच्ये थेमे च्यि खोन्च्ये सिन ख्योकोन पीर माकेत। च्यि मि जुनी भन्दाङ साप थुङा छ्ये ईनरो? ना जीउ भन्दाङ खोन्च्येतेका छ्ये ईन्दे?
थोगी च्यि खोन्च्ये, चुक खाला साप थुङा ङेदोङा सिन पीर खिता थोङ।
थोगी ङारो च्यि ओङोङा, सा थुङा ङेदोङाना माङेदोङा सिन थरिङराङ पीर माकेत। च्यिला सासीन ङारो लाईदु गोच्येते ङारोराङ ङेत्क्यो। थरिङला थरिङ बातकामा विचार खासीन ओङगो।
थेमे ङे मि ईन्देकी खित्सादु ज्येनगी ख्योकोनला जुम्ला मिटिङ खित्च्येते खाम्बे छ्ये छ्ये मि थेमे गेल्बोताङ ज्येन छ्ये छ्ये मि दोन्दु बात ठाप्ला खेरग्यो। थोक खित्जीन च्यि सिरच्ये, चुक सिरच्ये सिन ख्योकोन ज्यीबा माकेत।
बात ठा बेलाला च्यि सिरा फाप्कीते सिन थेजीनराङ परमेश्वर आत्मेकी ख्योकोनला छ्या स्ये ज्युत्क्यो,” सिन सिदुक।
तर परमेश्वर आत्मेकी स्तिफनसला आउदी बुद्धि बिन्दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्याला माथुप्सुङ।
थेमे छ्याःङ बातलाङ पीर माकेत। पीर मिक्किता खाला बरू दुक्पा किम्मु जस्तो ओङजीनोङ परमेश्वरला प्रार्थना खि। खेराङला च्यि गोकीका थेला नाङ सि। थोक खित्जीन खेराङला लेमु खाबे लाईदु थेला धन्यवाद सिरा नोमुङ टोक माज्येत।
दोक दोक ओङजीनोङ प्रभु येशू ख्रीष्टचेन ङात्ताङ ङ्योम्बुराङ देत्कीन थेकी ङाला शक्ति बिन्सुङ। थोगी ङे ज्येन ज्येन जातकी मि गाङेकी थोस्यीत सिन गा लाङच्येते बात लेमु खाईन लाप्कीन बिन्दाप। दोस्यिककामा मेन, थेकी ङाला सिंहे खादुकीङ जोए खासुङ।
थेमे ख्योकोन सुइँदाला च्यि खित्च्ये, चुक खित्च्ये सिन छ्या मेते बेलाला चुक खित्च्ये सिन बुद्धि नाङ सिन परमेश्वरताङ प्रार्थना खि। दोक खानामेई मिओनला लेमु खित्कान्ते ईन्देकी थेकी छ्याःङ दुक्स्यी मिक्किता खाला खेराङला गोबाते बुद्धि तेरग्यो।