मत्ती 10:14 - जिरेल

¹⁴ खेराङ लेप्‍सादु मिओनगी ख्‍योकोनला लेमु माक्‍यासीन थोक्‍ते मि ओत्‍सालाचेन देतराङ मादेत। थोक्‍ते खाम्‍बाताङ ठाउँदुई ख्‍याम्‍जीन ख्‍योकोनगी काम्‍बे थाला समेदोङ थेङलाराङ टकटक खाला ख्‍योम।

मत्ती 10:14 ပူးပေါင်းရင်းမြစ်များ

मत्ती 10:13

थेबेकी ख्‍योकोन बात ङेन्‍दा चाल्‍गीन ख्‍योकोनला लेमु खासीन ख्‍योकोनगी साबा च्‍योकराङ थेबाला परमेश्‍वरगी आशी तेरग्‍यो। थेबेकी थोक खिता सेम माक्‍यासीनचेन थेबाला ख्‍योकोनगी बिन्‍दाते आशी लै मिक्‍किओ।

मत्ती 18:5

खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन।

मर्कूस 6:11

खेराङ लेप्‍सादु मिओनगी ख्‍योकोनला लेमु माक्‍यासीन थेमे ख्‍योकोनगी लापाते बात ङेन्‍दा सेम माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन साकीन थेरूई ताङसुङ।

मर्कूस 9:37

“लो दि फिजाला तो। खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङालाकामा मेन, ङाला दुरू तोङकान्‍तेलाङ मान खाबाते ईन,” सिन सिदुक।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

लूका 9:5

थेमे खेराङ लेप्‍सादु मिओनगी ख्‍योकोनला लेमु माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन सिदुक।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

शक्ति काम 13:51

थेरूकी थोक खाला उरला तोङजीन पावलताङ बारनाबासकीङ थे मिओनतेराङ गल्‍ती ईन सिराला खोपरोङ काम्‍बाला खोबाते थाला समेदोङ टाक टाक खाईन एन्‍टिओखियादुकी थेन्‍गीन आइकोनियमपा गाल्‍सुङ।

शक्ति काम 18:6

तर थेरू काल्‍बा च्‍योक्‍ते यहूदीओनगी “खुई लापाते सत्‍यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्‍योकोनगी ङे बात माङेन्‍सुङ। था तिरी परमेश्‍वरगी ख्‍योकोनला सजाय बिन्‍सीन थे खेराङ गल्‍तीकी खित्‍सादु ईन। ङेते छ्याःङ गल्‍ती मेत। थाचेन ङा ख्‍योकोनला ताङला ज्‍येन ज्‍येन जातकी मि ओत्‍साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।