मत्ती 1:18 - जिरेल

¹⁸ येशू ख्रीष्‍ट चुक खाईन केबा ओताने सिरच्‍येते बातचेन दिराङ ईन। चुक सासीन यूसुफकी मरियमला नाङ खाबा ओतान। थेबेते फाङमा मायाङालाराङ परमेश्‍वर आत्‍मेकी खित्‍सादु मरियमगी फुज्‍यीमा खुरा ओतान।

मत्ती 1:18 ပူးပေါင်းရင်းမြစ်များ

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 12:46

येशू थोक खाला मिओनताङ बात खिन ओते बेलालाराङ थेते आमातेताङ न्‍वातेबा थेला ठेताला थेरू ख्‍योल्‍सुङ। थेमे फिनामाराङ देत्‍कीन थेबेकी थेला फिनामा स्‍योक सि सिन कातोङ ताङसुङ।

मत्ती 2:11

थेमे थे खाम्‍बादु लेप्‍ला नाङने स्‍यूला ताजीन थेबेकी थेरू थे फिजाताङ आमाते मरियमला थोङसुङ। थेरूई थेबेकी गुर्बु खाईन मान खिन थे फिजाला से खासुङ। से खाईन च्‍याकीन थे फिजाला सिन खुलाबाते सेर, धूप थेमे आउदी स्‍यीम्‍बुज्‍यीक बास्‍ना चले खित्‍च्‍येते मूर्र सिराते केकातेबा खुर्बुदुई थेन्‍गीन थेला बिन्‍सुङ।

लूका 1:25

थेमे थेकी गा खिन “प्रभु परमेश्‍वरगी ङे दुक्‍पा थोङगीन ङाला थोई लेमु खासुङा। थे चुक छ्ये ईन्‍दाका। थानी सुङगीङ ङाला अपुताले सिरा मेङेदो,” सिन सासुङ।

लूका 2:5

थे खोरोङला नाङ खाबाते मरियमलाङ थेकी थेपा टीकीन खेरसुङ। थेजीन मरियमगी फुज्‍यीमा खुरा ओतान।

हिब्रू 10:5

थोक ईन्‍देकीराङ देमा वाकीन ख्रीष्‍टकी परमेश्‍वरताङ बात खिन “मिओनगी भोग बिन्‍दातेताङ चढे खाबाते परमेश्‍वर खोल्‍ला छ्याःङ मोगोओ। खुई ङाला मि जुनी लाकीन दुरू केर च्‍युताते ईन।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।