मत्ती 1:16 - जिरेल

¹⁶ थेमे याकूब फुज्‍युङ यूसुफ ओतान। यूसुफकी मरियमताङ फाङमा खाबा ओतान। मरियमचेन येशू आमा ईन। येशूचेन परमेश्‍वरगी दुरू तोङगो साबाते ख्रीष्‍ट ईन।

मत्ती 1:16 ပူးပေါင်းရင်းမြစ်များ

मत्ती 1:15

एलिउद फुज्‍युङ एलाजार, एलाजार फुज्‍युङ मत्‍थान, मत्‍थान फुज्‍युङ याकूब

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 16:20

थोक साकीन च्‍याकीन थेकी चेलातेबाला थे खोरोङ ख्रीष्‍टराङ ईन सिन सुङलाङ मासेर, खाराक्‍पा देदा सिन कोत्‍सुङ।

मत्ती 2:13

थोक खाईन थे ज्‍योतिषीओन गाल्‍नामेकी थे छोमु ग्‍वासेराङ यूसुफकी मिलामला प्रभु परमेश्‍वर दूतज्‍यीकला थोङसुङ। थेमे थे दूतकी थेला “यूसुफ, खोक ल्‍वा थेमे दि फिजाताङ आमातेला टीला दुरूकी छिटो मिश्रे लुङबामा ग्‍युक। लोईन ङे छ्याःङ मासाथुपचेन थेमाराङ देत। च्‍यिला सासीन हेरोद गेल्‍बोकी दि फिजाला सेता चाल्‍ला दुक,” सिन बात खासुङ।

मत्ती 27:17

थोगी पिलातसकी थेरू जम्‍मा ओङगीन वाबाते मि गाङेला “लो ख्‍योकोनबरी थोलो सुला थोङ सिते? बारब्‍बाला थोङना दि ख्रीष्‍ट ईन साबाते येशूला थोङे?” सिन ठिसुङ।

मत्ती 27:22

थोक खित्‍जीन पिलातसकी “थोक ईन्‍सीन दि ख्रीष्‍ट ईन साबाते येशूलाचेन च्‍यि खिसे ओना?” सिन सिरजीन थेबा गाङेकी “दिला सेता फाप्‍क्‍यो। दिला स्‍यिङगी थामला टाँए खाला सेत,” सिन झन कस्‍स्‍ये खाईन छेरा खासुङ।

मर्कूस 6:3

दिनी दुरू स्‍यिङगी काम खित्‍कान्‍ते मिराङनी ईन। दि मरियम फुज्‍युङ मेनरो? दि याकूब, योसेस, यहूदाताङ शिमोनबे आज्‍योराङनी ईन। थेमे दिते नुमुतेबाङनी गाङे दुरूराङ ओत,” सिन थेला दिङ सु ईन्‍देरो सिराच्‍योक खासुङ। थेबेकी थेला छ्याःङ मान माक्‍यासुङ।

लूका 2:48

थे थोक खाईन धर्मे गुरूओनताङ देत्‍ला बात खिन ओता थोङजीन आबातेताङ आमातेङ छकदाङ परे खासुङ। थेमे थेला आमातेकी “फुज्‍यो, खो च्‍यिला दुरू देते? खेराङ आबाताङ ङा सुर्तेकी खोल्‍ला छोलाई छोलाई झन्‍दै स्‍यिसुङ,” सिन सिरजीन

लूका 2:7

थेमे थेकी थेरूराङ फुज्‍युङज्‍यीक केसुङ। थेते छ्येते फिजाराङ थेराङ ओतान। थेकी थे फिजाला खोलाककी तुम्‍गीन च्‍याकीन ठोन्‍डोला सो तेरच्‍येते डूँरगी नाङराङ ङ्याल्‍सुङ। च्‍यिला सासीन हुटेलदु स्‍यासा देत्‍च्‍येते ठाउँ माङेतेई थेबा गोटेज्‍यीक्‍तु स्‍यासा देता फापा ओतान।

लूका 3:23

येशू परमेश्‍वर बात लोप्‍च्‍येते काम खिताला स्‍यूक्‍जीन लो खालज्‍यीकताङ च्‍युताम्‍बे नाङपा ओतान। मिओनगीचेन थेला यूसुफ फुज्‍युङ ईन सिन ओतान। थेमे यूसुफचेन एली फुज्‍युङ ओतान।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

यूहन्‍ना 4:25

थेमे थे फेम्‍मे मिकी “ङाला दि बात छ्या ओत। च्‍यि सासीन था ख्रीष्‍ट सिराते मसीह ओङगो। थे वानामेई थेकीराङ ङ्योकोनला दि गाङे बात लोप्‍क्‍यो,” सिन सिदुक।