लूका 9:60 - जिरेल

⁶⁰ थेमे येशूकी थेला “रो दिक्‍च्‍येतेनी परमेश्‍वरगी खि साबाते माङेन्‍गीन थे लाईदु स्‍याप छेतराङ गालाते मिओनगीङ खिता थुप्‍क्‍यो। खुईचेन गाल्‍ला परमेश्‍वर राज्‍य बात मिओनला लोप,” सिन सिदुक।

लूका 9:60 ပူးပေါင်းရင်းမြစ်များ

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 8:22

थेकी “मेन मेन, खो थाल्‍लाराङ ङात्ताङ ख्‍योम। रो दिक्‍च्‍येतेनी परमेश्‍वरगी खि साबाते माङेन्‍गीन थे लाईदु स्‍याप छेतराङ गालाते मिओनगीङ खिता थुप्‍क्‍यो,” सिन सिदुक।

लूका 15:24

च्‍यिला सासीन दि दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन साकीन भोज लै खिताला जेसुकै ठीक खित च्‍युत्‍तुक्‍लो। थोक खाईन थेरू छ्येज्‍यीक भोज लै खादुक्‍लो।

लूका 15:32

थरिङ ङुरूङ गाङेकी गा खाला भोज सा फाप्‍च्‍येतेराङ ईन। च्‍यिला सासीन खुई न्‍वा दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन सादुक्‍लो,” सिन सिदुक।

१ कोरिन्‍थी 9:16

ईन्‍दाका गा लाङच्‍येते बात ज्‍येनला लोप्‍जीन ङे छ्ये खिता फाप्‍च्‍येते बात छ्याःङ मेत। दि बातनी ङे लोपाराङ फाप्‍क्‍यो। थोक माक्‍यासीन ङाला तिरी आउदी ज्‍यीबा लाङच्‍या मेलेबा ओङगो।

एफिसी 2:1

थेमे गोमाबा ख्‍योकोन खिता मेङच्‍येते कामकामा खिन पाप खिन ओतेकी परमेश्‍वर लाईदु स्‍याप छेतराङ गाला ओतान।

एफिसी 2:5

खिता मेङच्‍येते कामकामा खिन पाप खिन थे लाईदु स्‍याप छेतराङ गालाते ङुरूङला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते जुनी बिन्‍सुङ। थे खोरोङ दयेकी खित्‍सादुकामा परमेश्‍वरगी ख्‍योकोनला दोक खाईन पापकी सजायदुकी टाल्‍गीन बिन्‍दाते ईन सिन टोक माज्‍येत।

१ तिमोथी 5:6

तर जो ख्‍योबो स्‍याप्‍ते फेम्‍मे मि खालि मोज मज्‍जा खिन दाक्‍पोन खुशीला ख्‍याम्‍गीदुक थेचेन सोम्‍बो ओत्‍सीनोङ परमेश्‍वर लाईदु स्‍याप्‍ते छेतराङ ईन।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

छ्या स्‍ये च्‍युताते बात 3:1

सार्डिस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन परमेश्‍वर आत्‍मा दुईनबो ङ्योम्‍बु ओताते थेमे लाःक्‍तु कार्मा दुईन ओताते ङा सिन ओत। च्‍यि सासीन थेपा ख्‍योकोनगी च्‍यि च्‍यि खाबा ओते सिन गाङे बात ङाला छ्या ओत। मिओनगी ख्‍योकोनला परमेश्‍वरताङ डिक्‍कान्‍ते आउदी लेमु मि ईन खिदुक। दोक ईन्‍सीनोङ ख्‍योकोन थोक्‍ते मि मेन, ख्‍योकोननी परमेश्‍वर लाईदु स्‍याप छेतराङ गाल्‍ला दुक।