56 थेमे थेबा गाङेराङ ज्येनज्यीक युलनापा गाल्गीन देत्सुङ।
थेमे ङाला विश्वास खित्कान्ते उदि फिजा च्योक्तेबा सुङलाङ ख्योकोनगी हेपे माकेत। च्यिला सासीन होदोक्तेबाला ताकोरा खित्कान्ते परमेश्वर दूतओनचेन जहिलेङ स्वर्गने देत्कान्ते ङे आबे दोन्दु ड्वा ङेत्क्यो।
परमेश्वर ओत्सादुई वाबाते मि ङाचेन परमेश्वरताङ ठाल्गीन गालाते मिओनला पापदुकी डेलाला वाबाते ईन।
परमेश्वर ओत्सादुई वाबाते मि ङाङ छ्ये मि च्योक खाला गाङेला दि खि, थे खि सिन कोताला वाबाते मेन। बरू मि नरककुण्डमा स्यूक्पा माफाप्स्यीत सिन थेबेकी ङेता फाप्च्येते पापकी सजाय ङाराङगीराङ भोगे खाला स्याप्ला दुरू वाबाते ईन,” सिन सिदुक।
ङाचेन ख्योकोनला च्यि सिते सासीन सुइँदेकी खेराङला मेलेबा खासीन ख्योकोनगी थेबाला स्येदाङ मासेत। बरू सुइँदेकी खेराङला सामे डाम्पापा डाम्स्याकज्यीक ग्याप्सीन ख्योकोनगी थेला ज्येनते डाम्पाङ सेत्ला बिन।
परमेश्वर ओत्सादुई वाबाते मि ङाचेन परमेश्वरताङ ठाल्गीन गालाते मिओनला थेत्ताङ डिक ज्युताला थेमे थेबाला पापदुकी डेलाला वाबाते ईन,” सिन सिदुक।
थेमे येशूकी थेला “दोक माकेत, थे तरवार स्योक,” साकीन थे नामज्योक छ्येताते मि नामज्योक दोकीन लोक्ला जस्तो तस्तो जोकीन बिन्सुङ।
थोक खानामेई येशूकी “आबा, ङाला दोक खित्कान गाङेला माफ बिन। ङाला दोक खाबाते च्यि खाबाते ईन्दे सिन दिबेकी खोबा मिन्दुक,” सिन प्रार्थना खासुङ। येशू खोलाकचेन थे मिल्टेरीओनगी सु सुला खाङ खाङ फाप्च्या ईन्दाका सिन चिट्ठा ग्याप्कीन गोकीन खासुङ।
थोक सिरजीन थेकी ख्युर ग्युरगीन थेबा ङिबोला “थोक माकेत,” सिन थाप्सुङ।
येशूताङ थेबाबरी डुइनराङ ओते बेलाला लामला मिज्यीगी थेला “गुरू, ङाङ खुई चेला ओङला खो जता गाल्सीनोङ खोत्ताङराङ ख्याम्ग्यो,” सिन सिदुक।
चोरनी खालि क्वाप सिन, सेताप सिन थेमे जेसुकै ङ्ये ज्युताप सिनकामा ओङगो। ङाचेन मिओनगी नोमुङ मिसिन्च्येते जुनी ङेत्स्यीत थेमे थे जुनी ङे थेबाला तेरा चालाच्योक पूरो खाला ङेत्स्यीत सिन दुरू वाबाते ईन।
ङे बात थोलाङ ङे खि साबाच्योक मिक्किकान्ते मिला ङा सजाय मेतेरो। च्यिला सासीन ङा दि सा लुङबे मिला सजाय तेराला वाबाते मेन। बरू थेबेकी पापकी सजाय मेङेत्स्यीत सिन वाबाते ईन।
च्यिला सासीन परमेश्वरगी दि सा लुङबे मिओनला सजाय तेराला मेन्देकी थेबाला पापकी सजायदुकी डेलाला थेला देमा ताङाते ईन।
खेराङला मेलेबा खित्कान्तेबाला मेलेबा खिता सेम लासीनोङ थोक माकेत। बरू जहिलेङ थेबाला लेमुराङ खि।
येशू ख्रीष्ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्येते बात साँच्चीराङ ईन्दाते थेमे मिओनगी पत्ते खिता फाप्च्येते बातराङ ईन। थेमे पापीओन नाङ आउदी खाला पाप खित्कान्ते मि ङाराङ ईन।
