लूका 9:45 - जिरेल

⁴⁵ थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ। थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

लूका 9:45 ပူးပေါင်းရင်းမြစ်များ

मत्ती 16:22

थेकी थोक सिरजीन पत्रुसकीचेन थेला फजेकपा खेरगीन “प्रभु, खोल्‍ला थोक ओङातेचेन मिलामलाङ थोङा माफाप्‍स्‍यीत, परमेश्‍वरगी खोल्‍ला नोमुङ दोक ओङ मुज्‍युत्‍स्‍यीत। खुई दोक्‍ते बात माकेत,” सिन थापाला स्‍यूसुङ।

मत्ती 17:22

थेमे चेलातेबाताङ गालील अञ्‍चलदु ओते बेलाला येशूकी “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ।

मर्कूस 9:10

साबा च्‍योकराङ खाईन थेबेकीङ थे बात सुङलाङ मालाःप्‍सुङ। ईन्‍सीनोङ खोपरोङ सुमबो नाङचेन दि स्‍यिसादुकी सोम्‍बो लोक्‍च्‍येते साबाते च्‍यि ईन्‍ताका, चुक ओङगीताका सिन बात खासुङ।

मर्कूस 9:32

थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। थेमे थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

लूका 18:34

तर चेलातेबेकी दि बात छ्याःङ माखोसुङ, थेकी च्‍यि साबाते ईन्‍ताका सिन छ्याःङ छ्या मास्‍येसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ।

लूका 2:50

थेकी थोक च्‍यि साबाते ईन्‍दे सिन आबातेताङ आमातेकी छ्याःङ माखोसुङ।

लूका 9:46

येशू चेलाओन नाङ सु छ्येते ईन्‍दे सिरे बातला थोम्‍मु स्‍योरसुङ।

यूहन्‍ना 12:16

मिओनगी थोक खाबातेताङ परमेश्‍वर बातला थोक सिन टिबाते बातओन येशू चेलाओनगी गोमा छ्याःङ खोबा मेतान। परमेश्‍वरगी थेला स्‍यिसादुकी सोम्‍बो लोगीन स्‍वर्गने खेरनामेकीका मिओनगी थेते थोक खाईन जय जय खाबाते थेमे परमेश्‍वर बातला थोक सिन टिबाते बात थेबेकी लेमु खाईन छ्या स्‍येसुङ।

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

यूहन्‍ना 14:5

थेमे थोमेकी “प्रभु, खो खापा डुइते सिन ङ्योकोनला छ्या मेत। थोगी खो डोसादु लेप्‍च्‍येते लाम ङ्योकोनगी चुक खाला छ्या स्‍येकीते?” सिन सिदुक।

यूहन्‍ना 4:33

थोक सिरजीन चेलातेबेकीचेन “गुरूला सुइँदेकी साप खुलाकीन बिन्‍ताकाना च्‍यिन्‍ताका?” सिन खोपरोङ नाङ बात खासुङ।