34 थेकी बात खिन खिनलाराङ मुक्पा वाकीन थेबा गाङेला उप्सुङ। थोक खाला मुक्पेकी उप्जीन चेलातेबा आउदी ज्यीबा खासुङ।
मोशाताङ एलिया थेरूई ख्याम्बा खाबा ओतान। थेमे थे बेलालाराङ पत्रुसकी “ओहो गुरू, ङुरूङला दुरूराङ देता लेमु दुका। ङ्योकोन गुरू खोल्ला, मोशाला थेमे एलियाला देते लाईदु पली रेरे ज्वामीन,” सिन सिदुक। पत्रुसला थे खोरोङगी फिजे बात च्योक खाबाप सिन छ्या मेतान।
थेमे थे मुक्पे नाङदुकीराङ “दि ङे फुज्युङ ईन। ङे दिला छाने खाबा ओत। दिकी साबाते बात ङेन,” सिन सिरा थेबेकी थोसुङ।
थेला थोङासात्तु ङा स्याप च्योकराङ गाल्गीन थे काम्बे खानापा रिल्दुक। थेमे थेकी ङे लाक थे खोरोङ सामे लाक्पा ज्य्वाकीन “ज्यीबा माकेत, ङा गाङे भन्दा गोमामेई ओताते थेमे तिरी तिरीसाकराङ देत्कान्ते ईन।