लूका 9:31 - जिरेल

³¹ थेबाङ नाम्‍दाककी झिलिमिली गाला ओतान। थेमे थेबेकी था परमेश्‍वरगी साबा च्‍योकराङ खाला येशू यरूशलेमदु गाल्‍ला स्‍यिच्‍येते बात खिन ओतान।

लूका 9:31 ပူးပေါင်းရင်းမြစ်များ

लूका 9:22

थोरूमोङ बात खिन येशूकी थेबाला “परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

लूका 9:30

थेमे थेरू मेन्‍दा ङि मि वाकीन थेत्ताङ बात खिताला स्‍यूसुङ। थेबा ङिबोचेन परमेश्‍वर बात खित्‍कान्‍ते मोशाताङ एलिया ओतान।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

२ कोरिन्‍थी 3:18

प्रभु ख्रीष्‍टकी ङुरूङ सेम खुदुक जोकीन बिन्‍नामेकी ङुरूङगी सुङताङ छ्याःङ बात बोङा माफाबो। ङुरूङला ताला मिओनगी ख्रीष्‍टताङ चुक छ्येज्‍यीक शक्ति ओता ईन्‍दाका सिन छ्या स्‍येक्‍यो। थेकी ङुरूङला थे खोरोङ च्‍योकराङ लेमु जोइन गाल्‍नामेई ङुरूङ झन झन प्रभु ख्रीष्‍ट च्‍योकराङ लेमु डुइन डुइओ। ङुरूङला दोक खित्‍कान्‍ते प्रभु ख्रीष्‍ट ईन। थेत्ताङ परमेश्‍वर आत्‍मा दोक्‍पोईराङ ईन।

फिलिप्‍पी 3:21

ङुरूङ जीउ प्रभु येशू ख्रीष्‍टकीते सोम्‍बो लोक्‍जीन ओताते जीउ च्‍योक मेत। थोगी ङुरूङ नेइओ, दुक्‍पा ओङगो थेमे ङुरूङ स्‍यिनामेई रूल्‍ला डुइओ। ईन्‍सीनोङ था प्रभु येशू ख्रीष्‍ट ग्‍युरगीन वानामेई थेकी ङुरूङ जीउ थे खोरोङते च्‍योकराङ लेमु जोइओ। जेसुकैला थे खोरोङ अधीनला ज्‍य्‌वाच्‍येते शक्तिकी थेकी दोक खिओ।

कलस्‍सी 3:4

ङुरूङला साम्‍बाते जुनी तेरकान्‍ते ख्रीष्‍ट था तिरी गाङेकी थोङच्‍या खाला देमा ग्‍युरला ओङगो। थेजीनराङ ख्‍योकोन परमेश्‍वरगी ज्‍वा चालाच्‍योक लेमु गाल्‍गीन मान ङेत्‍कीन थेत्ताङ ङ्योम्‍बु ओताते गाङेकी थोङगो।

हिब्रू 11:22

थेमे परमेश्‍वरगी ङीमाई इस्राएलीओनला मिश्रे लुङबादुई तेन्‍ला खेरग्‍यो सिन थेला विश्‍वास खाबा ओतेकी यूसुफकीङ थे खोरोङ स्‍या बेलाला “परमेश्‍वरगी ख्‍योकोनला दि लुङबादुई तेन्‍ला खेरजीन ख्‍योकोनगी ङे रूबाङ ङ्योम्‍बुराङ खेरा,” सिन साबा ओतान।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

२ पत्रुस 1:15

ङा स्‍यिनामेकीङ ख्‍योकोनगी दि बाततेबा नोमुङ टोक मेज्‍येत्‍स्‍यीत सिनराङ ङे ङाराङ स्‍येतकी थुपासम्‍म खाईन दि बातओन खो ज्‍युता चालाते ईन।

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।