लूका 9:19 - जिरेल

¹⁹ थोक सिरजीन चेलातेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ दोक्‍पोई लोक्‍ला वाबाते ईन सिन बात खिदुक,” सिन सिदुक।

लूका 9:19 ပူးပေါင်းရင်းမြစ်များ

मत्ती 14:2

थेमे थेकी थे खोरोङ दरवारदु काम खित्‍कान्‍ते मिओनताङ “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खासुङ।

मत्ती 3:1

येशू नासरतदु देता ओत्‍जीनराङ बप्‍तिस्‍मा तेरकान्‍ते यूहन्‍नेकी मिओनला यहूदिये अञ्‍चल री नाङला परमेश्‍वर बात लोपाला स्‍यूसुङ।

मर्कूस 6:14

थेमे गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ। च्‍यिला सासीन गाङेपे मिकी येशू बातकामा खिन ओतान। थेबे नाङ कोईकी “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खिन ओतान।

मर्कूस 6:15

कोईकीचेन परमेश्‍वर बात खित्‍कान्‍ते एलिया लोईन वादुक सिन ओतान। लोक्‍ला ज्‍येन ज्‍येनगीचेन दिङ थाङबो परमेश्‍वर बात खित्‍कान्‍ते मिओन च्‍योक्‍तेराङ ईन सिन ओतान।

लूका 9:18

ङीमाई येशू थे खोरोङकामा प्रार्थना खिन ओतान। चेलातेबाङ थेत्ताङराङ ओतान। थेमे थेकी थेबाला “ङाला मिओनगी सु दुका खिका?” सिन ठिसुङ।

लूका 9:20

लोईन थेकी थेबाला “थेमे ख्‍योकोनलाचेन ङा सु ईन सिराच्‍योक लाङगीका याङ?” सिन ठिजीन थेबे नाङ पत्रुसकी “गुरू, खो परमेश्‍वरगी तोङगो साबाते ख्रीष्‍ट ईन,” सिन सिदुक।

यूहन्‍ना 1:21

थेमे थे मिओनगी “थोक सासीन खो सु ईन्‍दे ओना? ना खो एलिया ईन्‍दे?” सिन ठिसुङ। थोक सिरजीन थेकी “अहँ, मेन,” सिन सिदुक। लोईन थेबेकी “थोक ईन्‍सीन ना खो दुरू ओङगो साबाते परमेश्‍वर बात खित्‍कान्‍ते ईन्‍दे ओना?” सिन ठिसुङ। थोक सिरजीनोङ थेकीचेन “मेन मेन, ङा थेङ मेन,” सिन सासुङ।

यूहन्‍ना 1:25

थे मिओनगी याङराङ थेला “खोचेन परमेश्‍वरगी तोङगो साबाते ख्रीष्‍टोङ मेन खिदुक, एलियाङ मेनलो। ना परमेश्‍वर बात खित्‍कान्‍ते मि मेनलो। थोक ईन्‍सीन खो च्‍यिला मिओनला बप्‍तिस्‍मा तेरगीते ओना?” सिन ठिसुङ।

यूहन्‍ना 7:40

येशूकी थोक सानामेई मि कोईकी “दि मिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 9:17

थे फरिसी पाटी मिओनगी गोमा अन्‍ध ओताते थे मिला याङराङ “खोचेन थे मिकीराङ खोल्‍ला थोङा थुप्‍च्‍या जोसुङ खिदुक। था खो थेला सु ईन सिते ओना?” सिन ठिसुङ। थेमे थेकी “थेनी परमेश्‍वर बात खित्‍कान्‍ते मिराङ ईन,” सिन सिदुक।