लूका 8:52 - जिरेल

⁵² थे खाम्‍बे नाङ ओताते मि गाङेराङ थे फुमु फिजा स्‍यिसुङ सिन आउदी खाला दुङाल खिन ओतान। येशूकी थेबाला “ख्‍योकोन दोक खाला दुङाल माकेत। दि फिजा स्‍या मेत, दिनी ङिक गालातेकामा ईन,” सिन सिदुक।

लूका 8:52 ပူးပေါင်းရင်းမြစ်များ

मत्ती 11:17

थेबाचेन खोपरोङ खोपरोङ नाङराङ मिडिगो। थेबा लाला लालेकी ज्‍येनतेबाला ‘ङ्योकोनगी बाक चे सिन लु लाला बाजा फुला खित्‍जीनोङ ख्‍योकोन च्‍यिला टेरेराङ मिक्‍किता खाला देत्‍कीते? थेमे ख्‍योकोनगीङ दुङाल खि सिन ङ्योकोन दुङाल खित्‍जुम खित्‍जीनोङ ख्‍योकोनचेन च्‍यिला खाराक्‍पाराङ देत्‍कीते?’ सिन सिओ।

लूका 23:27

मि आउदी काल्‍बेई येशू तिरी तिरी ख्‍याम्‍बा ओतान। थेकी थोक दुक्‍पा भोगे खाला स्‍या फाप्‍च्‍या थोङगीन थोक खाईन ख्‍याम्‍बाते मिओन नाङ फेम्‍मे मि काल्‍बेई झ्‍याउँ झ्‍याउँ ङुइन ओतान।

लूका 23:48

थेरू तार ओङकान्‍ते मि गाङेकी थेरू चुक चुक ओङसुङा, येशू चुक खाईन स्‍यिसुङा सिन गाङे थोङसुङ। थेमे थेबा गाङेराङ ज्‍यीबा खिन आबिई थरिङ च्‍यि ज्‍यीबा लाङच्‍या ओङसुङा सिन बात खिन खाम्‍बा खाम्‍बाला ग्‍युरगीन गाल्‍सुङ।

लूका 8:51

थेबा गाङेराङ थे खाम्‍बादु ख्‍योल्‍नामेई येशूकी खालि पत्रुस, यूहन्‍नाताङ याकूब थेमे थे फेम्‍मे फिजे आबातेताङ आमातेलाकामा नाङने स्‍यूक च्‍युत्‍सुङ।

लूका 8:53

थे मिओनला थे फिजा स्‍याप्‍तेराङ ईन सिन छ्या ओतेकी थेकी थोक सिरजीन दिकी च्‍यि लेम्‍बे बात खिका सिन थेबेकी थेला खिस्‍यी खासुङ।

यूहन्‍ना 11:4

थे लोन थोनामेकी थेकी चेलातेबाला “थे थोक खाईन नाबाते स्‍यिला ड्वाप्‍ला मेन। बरू परमेश्‍वरगी चुक छ्येज्‍यीक काम खिता थुप्‍कीते थेमे परमेश्‍वर फुज्‍युङताङ चुक छ्येज्‍यीक शक्ति ओते सिन मिओनगी छ्या स्‍येस्‍यीत सिनराङ दोक ओङाते ईन,” सिन सिदुक।