लूका 8:50 - जिरेल

⁵⁰ थे मिकी साबाते बात थोकीन येशूकी याइरसला “पीर माकेत, ङाला विश्‍वासकामा खि। खुई फुमु सोन्‍ग्‍यो,” सिन सिदुक।

लूका 8:50 ပူးပေါင်းရင်းမြစ်များ

मर्कूस 5:36

थे मिओनगी साबाते बात थोसीनोङ येशूकी थे मिटिङ खित्‍च्‍येते खाम्‍बे छ्येते मिला “पीर माकेत, ङाला विश्‍वासकामा खि। खुई फुमु सोन्‍ग्‍यो,” सिन थेपा गाल्‍सुङ।

मर्कूस 9:23

थोक सिरजीन थेकी “खो च्‍यिला ठाक्‍पा खिता थुप्‍सीन सिते? परमेश्‍वरगी जेङ खिता थुप्‍क्‍यो सिन थेला विश्‍वास खासीन थेकी जस्‍तो कामोङ खिओ,” सिन सिदुक।

लूका 8:48

थेमे येशूकी थेला “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत,” सिन सिदुक।

लूका 8:51

थेबा गाङेराङ थे खाम्‍बादु ख्‍योल्‍नामेई येशूकी खालि पत्रुस, यूहन्‍नाताङ याकूब थेमे थे फेम्‍मे फिजे आबातेताङ आमातेलाकामा नाङने स्‍यूक च्‍युत्‍सुङ।

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 11:40

थेमे येशूकी “च्‍यि खोल्‍ला ङे आनाङका ङे बात पत्ते खासीन परमेश्‍वरगी चुक छ्येज्‍यीक काम खिता थुप्‍च्‍या ईन्‍दाका सिन छ्या स्‍येक्‍यो सिन साबाते मेनरो?” सिन सिदुक।

रोमी 4:17

दि बात परमेश्‍वर बातला दोक सिन टिबा ओत। च्‍यि सासीन अब्राहाम थे खोरोङ दोन्‍दु ओत्‍जीन परमेश्‍वरगी थेला “खोचेन जात जातकी मि ज्‍युज्‍यु ओङगो,” सिन साबा ओतान। परमेश्‍वरगी स्‍याप्‍ते मिओनला सोम्‍बो लोइओ थेमे थोङला ओतराङ मेतातेङ थेकी ओङस्‍यीत सानामेई दाक ओङगो। होदोक खिता थुप्‍कान्‍ते परमेश्‍वरला अब्राहामगी विश्‍वास खाबाते ईन।

रोमी 4:20

परमेश्‍वरगी थे खोरोङते सन्‍तान ओङगो साबाते बात थेकी पत्ते खासुङ। दोक ओङगीता मेङता सिन थेकी नोमुङ शंका माक्‍यासुङ। परमेश्‍वरगी साबाते पक्‍काराङ खिओ सिन फिजा माकेबालाराङ थेकी परमेश्‍वरला छ्ये जोसुङ।