लूका 8:48 - जिरेल48 थेमे येशूकी थेला “फुमो, खुई ङाला विश्वास खाबेकी खित्सादु खो ठाक्पाते ईन। लो था खोले खोले ग्युक। थेमे लेमु खाला देत,” सिन सिदुक। အခန်းကိုကြည့်ပါ။ |
थेमे थेकी ठाक्पा खाला तेरस्यीत सिन कोई कोईकी ख्याम्बाराङ मुथुप्कानज्यीक कुज्येज्यीकला मालज्यामताङराङ डोलो खाईन खुरगीन थे ओत्सादु क्याल्सुङ। थेकी ठाक्पा खिता थुप्क्यो सिन थेबेकी थे खोरोङला थोक विश्वास खाबा थोङगीन थेकी थे कुज्येला “फुज्यो, था खो ज्यीबा माकेत। ङे खुई खाबाते पाप गाङे माफ खाबान,” सिन सिदुक।
थेमे थे फेम्मे मिकी थे मोरोङगी थेला दोबाते बात येशूकी थाहा ङेत्सुङ सिन छ्या स्येसुङ। थोगी थेकी ज्यीबा खिन दारगीनकामा वाकीन येशू काम्बाला से खाईन थेरू मि गाङे ङोन्दु “ङा लो च्युन्ङी थोङलामेई ठाक ऊरच्येते बेथेकी नाबा ओतान। थेमे जति मेन खासीनोङ थातासाक सुङगीङ ठाक्पा खिता थुपा मेतान। ङेते दि बेथा ठाक्स्यीत सिन ङे गुरूते खोलाक दोबाप। थोक खाला खोलाक द्वासात्तु ङा दाक ठाक्सुङ,” सिन येशूला गाङे बात लाःप्सुङ।