लूका 8:43 - जिरेल

⁴³ थेबे नाङ लो च्‍युन्‍ङी थोङलामेकी ठाक ऊरच्‍येते बेथेकी नाबाते फेम्‍मे मिज्‍यीगोङ ओतान। ठाक्‍स्‍यीत सिन डाक्‍टरला मेन खित ज्‍युत्‍जीनराङ थेते ओतातेबरी जेसुकै सिन्‍दा ओतान। ईन्‍सीनोङ थातासाक थे बेथा सुङगीङ ठाक्‍पा खिता थुपा मेतान।

लूका 8:43 ပူးပေါင်းရင်းမြစ်များ

मर्कूस 12:44

च्‍यिला सासीन ज्‍येन ज्‍येनगी भेटी काल्‍बातेन्‍दे चढे खासीनोङ थेबाताङ थोरूमोङ सम्‍पत्ति थुप्रो ओत। तर थे फेम्‍मे मिकीचेन मोरोङताङ ओताते जति गाङे भेटी चढे खासुङ। थेतेनी खाम्‍बादुङ छ्याःङ मेत,” सिन सिदुक।

मर्कूस 9:18

थे ल्‍हन्‍डीककी बेला बेलाला दिला साला थाप देप्‍कीदुक। थोक खानामेई दि फिजेकी खानामा बावा देन्‍गीदुक, सा च्‍योइदुक थेमे कक्रक कुक्रुक गाल्‍ला स्‍येन्‍दे ग्रेगे डुइदुक। ङे थे ल्‍हन्‍डीक तेन्‍ला नाङ सिन खुई चेलाओनला साबाप। तर थेबेकी थोक खिता माथुप्‍सुङ,” सिन सिदुक।

लूका 13:11

थेरू लो च्‍याप्‍केत गोमामेई ल्‍हन्‍डीककी दुक्‍पा बिन्‍गीन नाबाते फेम्‍मे मिज्‍यीगोङ ओतान। थेते जीउराङ खुङ खुइन कुकुरोक गाला ओतेकी ठाङे खाला लाङाङ थुप्‍कीन मेतान।

लूका 13:16

लाङताङ गधालानी ख्‍योकोन थोजो वास्‍ता खिदुक सासीन च्‍यि ङुरूङ ज्‍युज्‍यु अब्राहाम सन्‍तान दि फेम्‍मे मिला लो च्‍याप्‍केतसाक ल्‍हन्‍डीक गेल्‍बो शैतानगी दुक्‍पा बिन्‍सादुई थरिङराङ डेला लेमु मेनरो?” सिन सिदुक।

लूका 8:27

थेमे डुङ्गादुकी फाप्‍नामेई थे सारगी मिज्‍यीगी वाकीन येशूला ठेता खासुङ। थेला ल्‍हन्‍डीक खोबा ओतान। थेकी जीउला खोलाक माखोन्‍दातेताङ खाम्‍बादु मादेताते काल्‍बा गाला ओतान। थे खालि रो ज्‍य्‌वाच्‍येते फुगी नाङलाकामा देत्‍कीन ओतान।

लूका 8:42

च्‍यिला सासीन थेते फुमुते खोक्‍पो खाईन नाकीन खाला बाक देत्‍कीन सिन्‍दा ओतान। थे लो च्‍युन्‍ङीते ओतान। थेते फुज्‍युङ फुमु सिराते थे दोक्‍पोईराङ ओतान। थेमे येशू थेत्ताङ ख्‍याम्‍सुङ। थोक खाला थेपा डोजीन थेत्ताङ ज्‍येनोङ आउदी काल्‍बेई मि च्‍येपा च्‍येप खिन ख्‍याम्‍बा ओतान।

लूका 8:44

येशू दोन्‍दु ख्‍योल्‍गीन थेकी येशूकी खोन्‍दाते खोलाक छेउला ल्‍हाकनापेई छुस्‍स दोसुङ। थोक खाला द्वापज्‍यीकताङराङ थेते ठाक ऊरच्‍येते बेथा दाक ठाक्‍सुङ।

यूहन्‍ना 9:1

थेमे डुइन डुइनला येशूकी केजीनमेईराङ अन्‍ध ओताते मिज्‍यीकला थोङसुङ।

यूहन्‍ना 9:21

तर दि चुक खाईन थोङा थुप्‍च्‍या गाल्‍सुङा थेमे दि मिक सुई थोङच्‍या जोसुङा सिनचेन ङ्योकोनला छ्या मेत। थे बातचेन दिलाराङ ठि। दि फिजा मेन। दिकी थे खोरोङ बात दि खोरोङगीराङ खिता थुप्‍क्‍यो,” सिन सिदुक।

शक्ति काम 3:2

थे मन्‍दिरने स्‍यूक्‍सादु केजीनमेईराङ कुज्‍ये ओताते मिज्‍यीक देता ओतान। थेला ङीमे ठाङमा ज्‍येनगी खुरला खुलाला च्‍याला थे मन्‍दिरते लेमुते गो सिरसादु ज्‍य्‌वाकीन ओतान। थेमे थेचेन थे मन्‍दिरदु ओङकान्‍ते मिओनला पैसा नाङ खिन ओतान।

शक्ति काम 4:22

थोक अचम्‍ब खाईन ख्‍याम्‍बा थुप्‍च्‍या गालाते मिचेन लो खाल ङि छाङगीन सिन्‍दा ओतान।