लूका 8:24 - जिरेल

²⁴ थोगी ज्‍यीबेकी आते खिन चेलातेबेकी येशूला “ए गुरू, ल्‍वा ना ल्‍वा,” सिन ङिक चेत्‍कीनकामा “लो तो, डुङ्गा नुपा खाईन सिन्‍सुङ। था ङुरूङ स्‍यिच्‍या ओङसुङ,” सिन छेरा खासुङ। थेमे ङिक छेत्‍कीन खोक लाकीन येशूकी ल्‍हाबाताङ समुन्‍द्रे छालला “गोगे देत,” सिन सासुङ। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।

लूका 8:24 ပူးပေါင်းရင်းမြစ်များ

मत्ती 14:30

ल्‍हाबेकी खित्‍सादु थे खोरोङ फेरोला समुन्‍द्रे छाल लाबा ओताते थोङजीन नुप्‍ला स्‍यिइता सिन ज्‍यीबा खिन खिनला थे नुपाला स्‍यूसुङ। थेमे आते खिनकामा थेकी “ए प्रभु, ङाला जोए खि,” सिन छेरा खासुङ।

मत्ती 8:25

थोगी ज्‍यीबेकी आते खिन चेलातेबेकी “ए प्रभु, ल्‍वाना ल्‍वा,” सिन थेला ङिक चेत्‍कीनकामा “लो तो डुङ्गा नुपा खाईन सिन्‍सुङ, ङुरूङ स्‍यिच्‍या ओङसुङ। था च्‍यि खित्‍च्‍ये?” सिन छेरा खासुङ।

मर्कूस 4:39

थेमे खोक लाकीन येशूकी ल्‍हाबाताङ समुन्‍द्रे छालला “गोगे देत,” सिन सिदुक। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।

लूका 4:35

थोक सिरजीन येशूकी “खो काल्‍बा बात माकेत। दि मिदुकी छिटो थेन्‍ला ग्‍युक,” सिन थे ल्‍हन्‍डीकला ङारसुङ। थेमे थे ल्‍हन्‍डीककी थे मिला मि गाङे ङोन्‍दु ज्‍याङे रिल्‍गीन थेन्‍गीन गाल्‍सुङ। दोक खाईन रिल्‍गीन ताङसीनोङ थे मिला छ्याःङ मेलेबा मायाङसुङ।

लूका 4:39

थेमे गाल्‍गीन थेकी “खोल्‍ला ठास्‍युम तोरस्‍यीत,” सिन सानामेकी थेते ठास्‍युम दाक छ्याक्‍सुङ। थेमे थेकी लाकीन गाङेला साप जोकीन बिन्‍सुङ।

लूका 5:5

थेकी थोक सानामेकी शिमोनगी “खोइ गुरू, ङ्योकोनगी नुप खाङराङ दुक्‍पा खाईन जाल ग्‍यापाप। तर ङ्याज्‍यीगोङ माथेप्‍सुङ। थोगी याङराङ जाल देक्‍पाकामा फाप्‍कीतासीन। जे ईन्‍सीनोङ खुई बात ङेन्‍ला ङा जालचेन देक्‍पामीन,” सिनकामा थेत्ताङ थे र्‍वाओनगी डुङ्गा फजेकपा खेरगीन जाल ग्‍याप्‍सुङ।

लूका 8:25

थेमे थेकी चेलातेबाला “ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक। येशूकी थोक खाबा थोङगीन अचम्‍ब लाकीन आते खिन चेलातेबेकी “आबिई, दि मि चुक अचम्‍बज्‍यीक ईन्‍दाका। दिकी कोतातेनी ल्‍हाबाताङ समुन्‍द्रे छालगी समेदोङ ङेन्‍गीदुक,” सिन सासुङ।