लूका 7:39 - जिरेल

³⁹ थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

लूका 7:39 ပူးပေါင်းရင်းမြစ်များ

मत्ती 20:16

दोक साकीन च्‍याकीन थेकी चेलातेबाला “दि कथाला साबा च्‍योकराङ मिओनगी विचार खाबा च्‍योकचेन तिरी मेङगो। थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन तिरी छ्ये मेङगो,” सिन सिदुक।

मत्ती 21:11

थेमे थेबेकी “दि परमेश्‍वर बात खित्‍कान्‍ते येशू ईन। दि गालील अञ्‍चल नासरतपे मि ईन,” सिन लाःप्‍सुङ।

मर्कूस 7:21

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, रन्‍डीबाजी खित्‍च्‍येते, कुच्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते

लूका 12:17

थेमे थे मिकी था ङा दि अन्‍नतेबा ज्‍य्‌वाबाला च्‍यि खिता ईन्‍ताका। ठाउँ मादाङच्‍या ओङगीन सिन्‍सुङ।

लूका 15:2

थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 16:3

धनीतेकी थोक सानामेकी थेकी सेमगी नाङ गुने खिन था ङाला कामदुकी देन्‍च्‍याराङ ओङसुङ। चुक खाला जीउ पाला खित्‍च्‍या ईन्‍ताका? लाङ मोला तोक्‍ची कोला सेइ सासीनोङ ङेते लाक्‍पा काम्‍बा थोक रोम्‍बो मेत। नाङ खाला साबोङ ङोचा ईन।

लूका 18:4

थे फेम्‍मे मिकी थोक खासीनोङ काल्‍बेई दिनसाक थेकी नामज्‍योकराङ मासेत्‍तुक्‍लो। ईन्‍सीनोङ थे फेम्‍मे मि थे ओत्‍सादु डुइनराङ देत्‍कीन दिक्‍क वाक्‍क जोनामेई ङीमाई थेकी ङा परमेश्‍वरगी छ्येन विचार खिओ सिन ज्‍यीबा मिक्‍किओ। थेमे मिओनगी च्‍यि सारोङा सिनोङ ङाला छ्याःङ वास्‍ता मेत।

लूका 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

लूका 7:37

थे सारदु मेलेबाते काम खित्‍कान्‍ते फेम्‍मे मिज्‍यीक ओतान। थे रन्‍डी ईन सिन थेङले मि गाङेला छ्या ओतान। येशू थेरू साप सेइन दुक सिरा थोकीन सिसी खाङ आउदी स्‍यीम्‍बु बास्‍ना चले खित्‍च्‍येते मोर्गु खुरगीन च्‍याकीन थे फेम्‍मे मि येशू गालाते खाम्‍बादु ख्‍योल्‍सुङ।

लूका 7:38

थेमे येशू देत्‍सादु ल्‍हाकनापा लेप्‍कीन थे आउदी खाईन ङ्वाप्‍ला स्‍यूसुङ। थोक खाला ङुजीन मिकच्‍युक फाप्‍कीन म्‍वाबाते येशू काम्‍बा थे मोरोङ टेकीराङ पिकीन बिन्‍सुङ। थेमे छ्ये छ्ये गुरूला खिताच्‍योक खाईन मान खासुङ। थेमे थे स्‍यीम्‍बुते बास्‍ना चले खित्‍च्‍येते मोर्गुङ थे काम्‍बाला कुकीन बिन्‍सुङ।

लूका 7:40

थे सेमगी बात छ्या स्‍येकीन येशूकी थेला “शिमोन, ङा खोल्‍ला बातज्‍यीक ठामीन,” सिन सिदुक। थोक सिरजीन थेकी “ओङगो गुरू, च्‍यि बात ईन्‍दे लो सि,” सिन सिदुक।

यूहन्‍ना 4:19

थेमे थेकी “हजूर, खोनी पक्‍काराङ परमेश्‍वर बात खित्‍कान्‍ते मि दुका।

यूहन्‍ना 7:12

थेङला मिओन स्‍यापस्‍यापताङ स्‍युपस्‍युप खिन येशू बात आदोराङ खिन ओतान। थेबे नाङ लालेकी “थे लेमु मि ईन,” सिन ओतान। लाला लालेकीचेन “मेन मेन, थेनी मिओनला छक्‍के खित्‍कान्‍ते ईन,” सिन ओतान।

यूहन्‍ना 9:24

गोमा अन्‍ध ओताते थे मिला थेबेकी याङराङ काताङगीन च्‍याकीन “लो परमेश्‍वर साक्षी ज्‍याक्‍ला खो साँचोते बात खि। थे मि पापी ईन सिन ङ्योकोनला लेमु खाला छ्या ओत,” सिन सिदुक।