लूका 7:38 - जिरेल

³⁸ थेमे येशू देत्‍सादु ल्‍हाकनापा लेप्‍कीन थे आउदी खाईन ङ्वाप्‍ला स्‍यूसुङ। थोक खाला ङुजीन मिकच्‍युक फाप्‍कीन म्‍वाबाते येशू काम्‍बा थे मोरोङ टेकीराङ पिकीन बिन्‍सुङ। थेमे छ्ये छ्ये गुरूला खिताच्‍योक खाईन मान खासुङ। थेमे थे स्‍यीम्‍बुते बास्‍ना चले खित्‍च्‍येते मोर्गुङ थे काम्‍बाला कुकीन बिन्‍सुङ।

लूका 7:38 ပူးပေါင်းရင်းမြစ်များ

मत्ती 5:4

पापताङ दुक्‍पेकी खित्‍सादु पीर खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला पापताङ दुक्‍पादुकी टाल्‍ला तेरग्‍यो।

लूका 22:62

थेमे थेला आउदी मेलेबा लासुङ। थोगी थेरूकी गाल्‍गीन थे ईमुक खाईन खाईन ङुसुङ।

लूका 6:21

ख्‍योकोन थरिङोला दाङच्‍या खाला साप थुङा मेङेत्‍कान्‍ते मिओन भाग्‍यमानी ईन। च्‍यिला सासीन ख्‍योकोनला गोबाते जति गाङे परमेश्‍वरगी तेरग्‍यो। ख्‍योकोन थरिङोला पीरगी ङ्वा फाप्‍कान्‍ते मिओन भाग्‍यमानी ईन। च्‍यिला सासीन तिरी ख्‍योकोन गाकी गोता ङेत्‍क्‍यो।

लूका 7:37

थे सारदु मेलेबाते काम खित्‍कान्‍ते फेम्‍मे मिज्‍यीक ओतान। थे रन्‍डी ईन सिन थेङले मि गाङेला छ्या ओतान। येशू थेरू साप सेइन दुक सिरा थोकीन सिसी खाङ आउदी स्‍यीम्‍बु बास्‍ना चले खित्‍च्‍येते मोर्गु खुरगीन च्‍याकीन थे फेम्‍मे मि येशू गालाते खाम्‍बादु ख्‍योल्‍सुङ।

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

यूहन्‍ना 11:2

बाजिई प्रभु येशू काम्‍बाला बास्‍ना चले खित्‍च्‍येते मोर्गु कुला थे मोरोङ टेकी पिला तेरकान्‍ते मरियम दिराङ ओतान। थेमे होदिते न्‍वाते नाबा ओतान।

याकूब 4:9

खेराङगी गोमाबा खाबाते काम मेलेबा दुका सिन आउदी खाला पीर खिन ङु। गोता साटोला था ङु। गा खिता साटोला सुर्ता खिन देत।