लूका 7:37 - जिरेल

³⁷ थे सारदु मेलेबाते काम खित्‍कान्‍ते फेम्‍मे मिज्‍यीक ओतान। थे रन्‍डी ईन सिन थेङले मि गाङेला छ्या ओतान। येशू थेरू साप सेइन दुक सिरा थोकीन सिसी खाङ आउदी स्‍यीम्‍बु बास्‍ना चले खित्‍च्‍येते मोर्गु खुरगीन च्‍याकीन थे फेम्‍मे मि येशू गालाते खाम्‍बादु ख्‍योल्‍सुङ।

लूका 7:37 ပူးပေါင်းရင်းမြစ်များ

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

लूका 18:13

कर लिन्‍कान्‍ते मिकीचेन मन्‍दिर नाङ कुनाज्‍यीक्‍तु गाल्‍गीन ङा दोक पापी मिङ चुक खाला परमेश्‍वरला प्रार्थना खित्‍च्‍ये सिराच्‍योक खाईन खुङ खुगीन ‘ए परमेश्‍वर, ङा पापी ईन सिन ङाला छ्या ओत। ङाला दया खाला पापदुकी टाल्‍ला नाङ,’ सिन प्रार्थना खादुक्‍लो।

लूका 19:7

येशू थोक खाईन थेत्ताङ गाला थोङनामेई “दि चुकस्‍यिक ईन्‍दाका। दिनी थोक पापीताङका साङ खाईन देताला गाल्‍सुङ,” सिन मि गाङेराङ येशूला मोताला स्‍यूसुङ।

लूका 5:30

येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

लूका 5:32

थोगी ङाङ पापीओनला खोपरोङ पापी दुका सिन छ्या स्‍येला परमेश्‍वर छ्य्‌वापा लै खि सिराला वाबाते ईन। धर्मतीतेबाला दोक खि सिराला वाबाते मेन,” सिन सिदुक।

लूका 7:34

थेरूई परमेश्‍वर ओत्‍सादुई वाबाते मि ङाचेन दुरू वाकीन जेसुकै सोबान, थुबान। तर ङात्ताङोङ ख्‍योकोन ‘तोते, थे चुकस्‍यिक ईन्‍दाका। थेनी आउदी सोलुन्‍दाईताङ छ्याङ रक्‍सी थुङकानज्‍यीकका ओताक्‍वा। थेमे थेनी कर लिन्‍कान्‍तेबा थेमे ज्‍येनोङ पापीओनताङका र्‍वा खिदुक,’ सिन स्‍येदाङ खिदुक।

लूका 7:36

ङीमाई फरिसी पाटी मिज्‍यीगी येशूला सेन साप्‍ला काताङा ओतान। थेमे येशू थे खाम्‍बादु लेप्‍कीन साप साप्‍ला देत्‍सुङ।

यूहन्‍ना 11:2

बाजिई प्रभु येशू काम्‍बाला बास्‍ना चले खित्‍च्‍येते मोर्गु कुला थे मोरोङ टेकी पिला तेरकान्‍ते मरियम दिराङ ओतान। थेमे होदिते न्‍वाते नाबा ओतान।

यूहन्‍ना 9:24

गोमा अन्‍ध ओताते थे मिला थेबेकी याङराङ काताङगीन च्‍याकीन “लो परमेश्‍वर साक्षी ज्‍याक्‍ला खो साँचोते बात खि। थे मि पापी ईन सिन ङ्योकोनला लेमु खाला छ्या ओत,” सिन सिदुक।

यूहन्‍ना 9:31

पापीते मि बात परमेश्‍वरगी मेङेनो, परमेश्‍वरला मन परे खित्‍च्‍येते काम खाला थेला छ्ये जोकान्‍ते मिकी साबाते बातकामा थेकी ङेन्‍ग्‍यो सिन ङुरूङला लेमुराङ खाला छ्या ओत।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

१ पत्रुस 4:18

परमेश्‍वर बातला चुक सिन टिबा ओते सासीन “परमेश्‍वरगी खि साबाच्‍योक खित्‍कान्‍ते मिओननी पापकी सजायदुकी बल्‍ल बल्‍ल थारग्‍यो सासीन थेकी खि साबाच्‍योक मिक्‍किकान्‍तेताङ पापीओनलानी झन चुकका ओङोङा,” सिन साबा ओत।