लूका 7:29 - जिरेल

²⁹ येशूकी साबाते दि बात थेरू ओताते मि गाङेकी थोसुङ। थेबे नाङ काल्‍बा च्‍योक्‍ते मिओनताङ कर लिन्‍कान्‍ते मिओनगीचेन येशूकी साबाते बाततेबा परमेश्‍वरगीराङ सिर च्‍युताते ईन सिन ङेन्‍सुङ। थेबेकीचेन गोमा यूहन्‍ने बादोङ ङेन्‍गीन बप्‍तिस्‍मा लाबा ओतान।

लूका 7:29 ပူးပေါင်းရင်းမြစ်များ

मत्ती 5:46

ख्‍योकोनगी खेराङला ङिङज्‍ये खित्‍कानलाकामा ङिङज्‍ये खासीन परमेश्‍वरगी ख्‍योकोनला च्‍यि मान तेरगीतेरो? दाक्‍पोनला ङिङज्‍ये खित्‍कानलानी कर लिन्‍कान्‍ते मिओनगीङ ङिङज्‍येराङ खिओ याङ।

लूका 20:6

मेन मिकीका ताङाते ईन सिइ सासीन मिओनगी ङुरूङला दोई ग्‍याप्‍ला सेत्‍क्‍यो। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी मान खिओ सिन ङुरूङला छ्या ओत,” सिन बात खासुङ।

लूका 3:12

कर लिन्‍कान्‍ते मिओनोङ बप्‍तिस्‍मा लिन्‍दाला यूहन्‍ना ओत्‍सादु वाबा ओतान। थेमे थेबेकीङ “गुरू, था ङ्योकोनगीचेन च्‍यि खिता फाबोङा?” सिन ठिजीन

लूका 7:28

थोगी यूहन्‍नाचेन दि सा लुङबादु ओताते मिओन नाङ छ्येते ईन। थातासाक थे छेत छ्ये मि सुङ केबा मेत। तर था परमेश्‍वर राज्‍य बातराङ खिइ सासुङ सासीनचेन बात खुदुकराङ ईन। यूहन्‍ना थोक छ्ये ईन्‍सीनोङ परमेश्‍वर राज्‍यदु स्‍यूबाते मिओन छेत छ्ये मेन। थेबा गाङे यूहन्‍ना भन्‍दाङ छ्ये ईन,” सिन सिदुक।

लूका 7:35

जे ईन्‍सीनोङ परमेश्‍वरगी खाबाते काम थोङला दि काम थेकी आउदी बुद्धि पुरे खाईन खाबाते ईन सिन खोकान्‍ते मिओनोङ ओङगो। होथोक्‍ते मिओनला ताला परमेश्‍वरगी साँच्‍चीराङ आउदी बुद्धि पुरे खाला काम खिओ सिन लेमु खाला छ्या स्‍येक्‍यो,” सिन सिदुक।

शक्ति काम 18:25

प्रभु येशू बात ङेन्‍ला थे छ्य्‌वापा लै खित्‍च्‍या सिराते च्‍यि ईन्‍दे सिनोङ थेला लाप्‍कीन बिन्‍दा ओतान। थेमे दि बात गाङेकी छ्या स्‍येबाराङ फाप्‍क्‍यो सिराच्‍योक खाला थेकी ज्‍येनलाङ लोप्‍कीन ओतान। थे बातओन थेकी ठीक ठीक खाला लोप्‍कीन ओतान। ईन्‍सीनोङ यूहन्‍नेकी मिओनला छ्युला लुगीन बप्‍तिस्‍मा बिन्‍दाते बातओन बाई येशू बात गाङेचेन थेला लेमु खाला छ्या मेतान। अपोल्‍लोसकी एफिससदु यहूदीओनते मिटिङ खित्‍च्‍येते खाम्‍बादु

शक्ति काम 19:3

लोईन पावलगी “थोक ईन्‍सीन ख्‍योकोनगी सुई बात ङेन्‍गीन बप्‍तिस्‍मा लाबाते ईन्‍दे ओना?” सिन ठिजीन थेबेकी “ङ्योकोनगी यूहन्‍नेकी लापाते बात ङेन्‍गीन बप्‍तिस्‍मा लाबाते ईन,” सिन सिदुक।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।

छ्या स्‍ये च्‍युताते बात 16:5

दोक ओङनामेकी छ्युई लाक अधिकार खित्‍कान्‍ते छ्येते दूतकी “प्रभु परमेश्‍वर, खो गोमाराङ ओतान, थरिङोलाङ ओत। सेमला पाप सिराते छ्याःङ मेताते खोकामा ईन। खुई सुङलाङ काका पाका मिक्‍किता खाईन न्‍याय खाईन दि सजाय बिन्‍दाते ठीक ईन।